ولار تەوكراتيالىق ديكتاتۋراعا قايتا ورالىپ جاتىر.
«تاليبان» قوزعالىسىنىڭ جوعارعى جەتەكشىسى حايباتۋللا احۋنزادا اۋعان سۋديالارىنا سوتتا جانە ۇكىم شىعارۋدا شاريعات زاڭدارىن قولدانۋدى بۇيىردى، دەپ حابارلايدى Almaty-akshamy.kz Central Asian cىلتەمە جاساپ.
بۇل قىلمىس جاساعانى ءۇشىن جازا رەتىندە كوپشىلىك الدىندا جازالاۋ، تاسپەن اتۋ، باس پەن اياق-قولدى كەسۋ دەگەندى بىلدىرەدى. تاليباندار وتكەن جىلدىڭ تامىز ايىندا بيلىككە ورالعاننان كەيىن باسقارۋ ءادىسى 1990 جىلدارمەن سالىستىرعاندا الدەقايدا جۇمساق بولاتىنىن ۋادە ەتكەنىمەن، ولار تەوكراتيالىق ديكتاتۋراعا قايتا ورالىپ جاتىر.
احۋنزادا بيلەردى يسلام زاڭى بويىنشا «حۋدۋد» ساناتىنا جاتاتىن، جازالارى قاتاڭ بەلگىلەنگەن جانە جەڭىلدەتۋ مۇمكىن ەمەس قىلمىستارعا ەرەكشە نازار اۋدارۋعا شاقىردى. بۇل ۇرلىق، توناۋ، زيناقورلىق نەمەسە وعان جالعان جالا جابۋ، ىشىمدىك ءىشۋ جانە دىننەن شىعۋ. قۇقىق قورعاۋشىلار قورقاتىنداي، ۇكىمەتتىڭ پىكىرىنە قايشى كەلەتىن كەز كەلگەن ازاماتتىق ارەكەتتى «جولدان شىعۋ» ساناتىنا جاتقىزۋعا بولادى.
وتكەن جىلى اۋعانستاندا تالىپتەر بيلىككە كەلگەلى بەرى بۇقارالىق اقپارات قۇرالدارى مەن الەۋمەتتىك جەلىلەردە قىلمىسكەرلەردى اشىق جازالاعانى تۋرالى كادرلار پايدا بولدى - ولاردى تاياقپەن ۇرىپ-سوققان. تاليبان پوليسياسى سونداي-اق تۇتقىنداۋ كەزىندە قايتىس بولعان قىلمىسكەرلەردىڭ مايىتتەرىن كوپشىلىككە كورسەتۋدە.