الماتى پوليسياسى اسكەرلەردىڭ اۋعانستاننان شىعارىلۋىنىڭ 35 جىلدىعىنا ارنالعان مەرەكەلىك شارا وتكىزدى.
15 اقپاندا بۇرىنعى كەڭەس وداعى ەلدەرى اۋعانستاننان اسكەرلەرىنىڭ شىعارىلعان كۇنىن اتاپ وتەدى. بۇل قازا بولعان ينتەرناسيوناليست-جاۋىنگەرلەردى ازا تۇتۋ جانە ەسكە الۋ كۇنى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەكە قۇرامدى پاتريوتتىققا تاربيەلەۋ ماقساتىندا پد بولىمشەلەرىنىڭ قىزمەتكەرلەرى ءداستۇر بويىنشا اۋعان سوعىسىنا قاتىسۋشىلارعا بارىپ كايتادى. ءبىز ولاردى امان-ساۋ كورگەنىمىزگە وتە قۋانىشتىمىز. ولار جاس قىزمەتكەرلەرگە سول كەزەڭنىڭ ەگجەي-تەگجەيىن ايتىپ بەرۋگە ءارقاشان دايىن. بۇل جاس پوليسەيلەردىڭ پاتريوتتىق رۋحىن كوتەرەتىنى ءسوزسىز. ءبىز ءوز كەزەگىمىزدە ارداگەرلەرىمىزدى قولدايمىز جانە ۇمىتپايمىز»، – دەدى الماتى قالالىق پوليسيا دەپارتامەنتى باستىعىنىڭ ورىنباسارىنىڭ مىندەتىن اتقارۋشى ەرجان ۇزابايەۆ.
سونىمەن قاتار پوليسيا دەپارتامەنتىندە سالتاناتتى شارا ءوتىپ، وعان اۋعانستانداعى سوعىسقا قاتىسۋشىلار، وتستاۆكاداعى پوليسيا پولكوۆنيگى ءابدىرايىم احمەتوۆ پەن وتستاۆكاداعى ىشكى قىزمەت مايورى مۇرات ابدۇشۇكۇروۆ شاقىرىلدى.
«الماتى پوليسياسى قاتارىندا اۋعانستاندا مىندەتتى اسكەري بورىشىن وتەگەن پوليسەيلەر قىزمەت ەتتى. بۇل تاماشا جاۋىنگەرلىك دايىندىعى مەن توزىمدىلىگى بار، تاعدىرى اۋىر قاراپايىم ادامدار. ولار – ءوز ءىسىنىڭ كاسىبي ماماندارى، وتان الدىنداعى بورىشىن ابىرويمەن اتقاردى. بۇگىنگى سالتاناتتى شاراعا اعا ارىپتەستەرىنىڭ ەرلىكتەرىنەن ۇلگى الىپ، ولاردان ەڭ جاقسى ادامگەرشىلىك جانە كاسىبي قاسيەتتەردى بويىنا سىڭىرۋگە مىندەتتى جاس پوليسەيلەردىڭ قاتىسۋى تەگىن ەمەس»، – دەدى ەرجان ۇزابايەۆ.
اشىق اقپارات كوزدەرىنە سۇيەنسەك، اۋعان سوعىسىنا 22 مىڭ 296 قازاقستاندىق قاتىسقان. ونىڭ ىشىندە 928 ادام قايتىس بولدى، 119-ى الماتىلىقتار. الايدا 19-ى ءالى ءىز-تۇزسىز جوعالىپ كەتكەن بولىپ سانالادى. ەكى قازاقستاندىقتىڭ سۇيەگى ءۇش جىل بۇرىن تابىلىپ، قازاقستانعا قايتارىلدى. الماتىدا 2300-گە جۋىق اۋعان جاۋىنگەرى تۇرادى، ءبىر الماتىلىق اۋعان جاۋىنگەرى حابار-وشارسىز كەتكەندەر تىزىمىندە. قازاقستاندا بارلىعى 15 مىڭنان استام ينتەرناسيوناليست-جاۋىنگەر تۇرادى. سوعىس 1979 جىلدىڭ 25 جەلتوقسانىنان 1989 جىلدىڭ 15 اقپانىنا دەيىن (2238 كۇن) سوزىلدى.