بۇل تۋرالى الماتى قالاسىنىڭ اكىمى ەربولات دوسايەۆ اۋەزوۆ اۋدانى تۇرعىندارىمەن كەزدەسۋىندە ايتتى.
اۋەزوۆ اۋدانىندا جالپى ۇزىندىعى 12،8 كم بولاتىن 14 كوشە مەن وتپە جولدار جوندەلەدى، دەپ حابارلايدى اlmaty-akshamy.kz .
جۇمىس مامىردا باستالىپ، قاراشا ايىندا اياقتالادى. الماتىدا بيىل ۇزىندىعى 200 كم قالانىڭ 220 كوشەسى ورتاشا جوندەۋدەن وتەدى.
- ورتالىقسىزداندىرۋ اياسىندا بيىلدان باستاپ جولداردى اعىمداعى جوندەۋدى اۋدان اكىمدىكتەرى جۇرگىزەدى. اۋەزوۆ اۋدانىندا 23 مىڭ شارشى مەتر جول جوندەلەدى. جىل باسىندا اۋدانداعى ۇنەمى سۋ باساتىن 7 پروبلەمالىق اۋماقتان تەك ەكەۋى (اباي داڭعىلى، مومىش ۇلى كوشەسىنىڭ بويى) قالدى. ناۋرىز ايىندا ولار جويىلىپ، اۋەزوۆ اۋدانىنىڭ ورتالىق كوشەلەرىندەگى سۋ باسۋ ماسەلەسى شەشىلدى، - دەپ ايتتى قالا اكىمى.