اۋدانداعى جول ينفراقۇرىلىمىنىڭ ساپاسىن جاقسارتۋ ماقساتىندا شۇڭقىرلاردى جاۋىپ، جولداردى ورتاشا جوندەۋ جۇمىستارى جالعاسادى. بۇل تۋرالى قالا تۇرعىندارىمەن كەزدەسۋدە شاھار باسشىسى ەربولات دوسايەۆ ايتتى، دەپ حابارلايدى almaty-akshamy.kz
بيىلعى جىلعا جالپى ۇزىندىعى 12،8 شاقىرىم بولاتىن 14 كوشە مەن وتپە جولداردى ورتاشا جوندەۋ جوسپارلانعان. جۇمىستار مامىر ايىندا باستالىپ، قاراشا ايىندا اياقتالادى.
انىقتاما ءۇشىن: 2023 جىلى قالالىق موبيلدىلىك باسقارماسى قالانىڭ 220 كوشەسىندە ۇزىندىعى 200 كم جول جابىنىن ورتاشا جوندەۋدى جوسپارلاعان. قازىرگى ۋاقىتتا ۆەدومستۆولىق ساراپتامادان وتكىزۋ جۇمىستارى جۇرگىزىلۋدە. بارلىق جوبالار ۆەدومستۆولىق ساراپتاما پورتالىنا جۇكتەلدى. بارلىعى 26 جوبا، ونىڭ 12ء-سىنىڭ وڭ قورىتىندىسى شىقتى، 4ء-ۋى اۆتوموبيل جولدارى كوميتەتىندە، 4ءۋ-ى استانا ساراپشىلارىندا، 3ء-ۋى جول اكتيۆتەرىنىڭ ۇلتتىق ساپا ورتالىعىنىڭ الماتى فيليالىندا پىسىقتالۋدا. اۋەزوۆ اۋدانى بويىنشا وڭ قورىتىندى الىندى. قالالىق موبيلدىلىك باسقارماسى ورتاشا جوندەۋگە كونكۋرس جاريالاۋ ءۇشىن قۇجاتتار دايىنداۋدا. اۋەزوۆ اۋدانى بويىنشا ورتاشا جوندەۋ جۇمىستارىنىڭ باستالۋىنىڭ بولجامدى مەرزىمى بيىلعى مامىر ايىنىڭ سوڭىنا جوسپارلانۋدا.
دەسەنتراليزاسيا شەڭبەرىندە بيىلعى جىلدان باستاپ جولداردى اعىمداعى جوندەۋدى اۋدان اكىمدىكتەرى جۇرگىزەتىن بولادى. اۋەزوۆ اۋدانى بويىنشا سوماسى 250 ملن. تەڭگەگە جالپى اۋدانى 23 مىڭ م2 جوندەۋ جوسپارلانعان.
جۇبانوۆ كوشەسىن (مومىش ۇلى كوشەسىنەن قالا شەكاراسىنا دەيىن) ۇزارتۋعا جوبالاۋ-سمەتالىق قۇجاتتامانىڭ مەملەكەتتىك ساراپتاماسىنىڭ وڭ قورىتىندىسى الىندى. ساتىپ الۋعا جاتاتىن 307 ۋچاسكە انىقتالدى (2023 جىلعا ارنالعان ساتىپ الۋ جوسپارى – 50 ۋچاسكە). بۇگىندە مەردىگەر ۇيىمدى انىقتاۋ بويىنشا كونكۋرستىق راسىمدەر جۇرگىزىلۋدە
«بۇل اۋەزوۆ اۋدانىنىڭ دامۋىنا، كولىك جۇكتەمەسىن ايتارلىقتاي ازايتۋعا جانە قوعامدىق كولىكپەن قىزمەت كورسەتۋ ساپاسىن جاقسارتۋعا ىقپال ەتەدى»، – دەدى قالا اكىمى ەربولات دوسايەۆ تۇرعىندارمەن كەزدەسۋدە.