ەربولات دوسايەۆ اۋەزوۆ اۋدانىنداعى جول-كولىك ينفراقۇرىلىمى جايىندا ايتتى.
الماتى اكىمى ەربولات دوسايەۆ وسى جىل باسىنان باستاپ اۋەزوۆ اۋدانىندا ۇزىندىعى 24،5 كم بولاتىن 22 كوشە مەن وتپە جولداردا ورتاشا جوندەۋ جۇمىستارى ءجۇرىپ جاتقانىن ايتتى. بۇل تۋرالى قالا باسشىسى حالىقپەن كەزدەسۋ بارىسىندا ايتتى، دەپ حابارلايدى Almaty-akshamy.kz.
بۇگىنگى تاڭدا ۇزىندىعى 17،9 كم بولاتىن 20 كوشە مەن وتپە جولداردا جۇمىس اياقتالدى.
«2022 جىل قاراشا ايىنىڭ سوڭىنا دەيىن ساين (4،7 كم) جانە ناۆوي (1،8 كم) كوشەلەرىندە ورتاشا جول جوندەۋ جۇمىستارى اياقتالادى. اۋدانى 16،8 مىڭ شارشى مەتر بولاتىن 60 كوشەگە اعىمداعى جوندەۋ جۇرگىزىلدى»، - دەدى قالا باسشىسى.
اكىمنىڭ ايتۋىنشا، كولىك ينفراقۇرىلىمىن دامىتۋ ماقساتىندا ساين كوشەسىنىڭ باتىس جاعىنان جاندوسوۆ پەن شالياپين كوشەلەرىنىڭ اراسىنا جانە قابدولوۆ كوشەسىنىڭ وڭتۇستىك جاعىنان ساين كوشەسى مەن التىنسارين داڭعىلىنىڭ اراسىنا ەكى جاڭا ايالداما ورناتۋ جۇمىستارى جۇرگىزىلۋدە. جۇمىستار 2022 جىلدىڭ سوڭىنا دەيىن اياقتالادى.
«قاجەتتىلىككە بايلانىستى 2023 جىلى وتەگەن باتىر كوشەسىنىڭ باتىس جاعىنان اباي داڭعىلى مەن قۋانىشبايەۆ كوشەسىنىڭ اراسىنا، تولە بي كوشەسىنىڭ وڭتۇستىك جانە سولتۇستىك جاعى – وتار كوشەسىنىڭ بۇرىشىنا ءۇش قوسىمشا ايالداما ورناتۋ جوسپارلانعان»، - دەدى ەربولات دوسايەۆ.