اۋەزوۆ اۋدانىندا الماتى اكىمى ەربولات دوسايەۆتىڭ حالىقپەن كەزەكتى كەزدەسۋى ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 250-دەن استام ادام كەلدى، دەپ حابارلايدى اlmaty-akshamy.kz.
اۋداندا كوممۋنالدىق ينفراقۇرىلىمدى جاڭعىرتۋ وزەكتى ماسەلە بولىپ قالا بەرەدى. اعىمداعى جىلدىڭ ءساۋىر ايىنان باستاپ جالپى ۇزىندىعى 75،8 كم سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى جوبالانۋدا. قۇرىلىس 2023 جىلدىڭ 2ء-شى توقسانىندا باستالىپ، 2024 جىلدىڭ سوڭىنا قاراي اياقتالادى. جوبا اۋداندا 11 مىڭنان استام ابونەمەنتتى ساپالى سۋمەن جانە كارىز جۇيەسىمەن قامتاماسىز ەتۋگە مۇمكىندىك بەرەدى.
قالا اكىمى ەربولات دوسايەۆتىڭ ايتۋىنشا، اۋدانداعى جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 24،5 كم بولاتىن 22 كوشەگە ورتاشا جوندەۋ جۇمىستارى جۇرگىزىلۋدە. 2022 جىلدىڭ قاراشا ايىنىڭ سوڭىنا دەيىن ساين (4،7 كم) جانە ناۆوي (1،8 كم) كوشەلەرىندە جولداردى ورتاشا جوندەۋ اياقتالادى.
اۋداندا قاتتى جاۋىن-شاشىن كەزىندە سۋ باسۋ ماسەلەسى وزەكتى بولىپ قالا بەرەدى. تج جەلىسى بويىنشا 4 ۋچاسكەنى جويۋ جۇمىستارى جۇرگىزىلۋدە (ديامەترى 1 م، رايىمبەك داڭعىلى – مومىش ۇلى كوشەسى جانە ياسساۋي كوشەسىنە ءوتۋ جولىمەن)، جۇمىستاردى جىل سوڭىنا دەيىن اياقتاۋ جوسپارلانۋدا.
قۇقىقبۇزۋشىلىقتاردىڭ الدىن الۋ ماسەلەسى بويىنشا اۋداندا 168 بەينەباقىلاۋ كامەراسى جۇمىس ىستەيدى. بەينەمونيتورينگ جۇيەلەرىنىڭ جەلىسىن كەڭەيتۋ ءۇشىن قازان ايىندا ادامدار كوپ جينالاتىن جەرلەردە جانە كوپقاباتتى تۇرعىن ۇيلەردىڭ اۋلالارىندا قوسىمشا 359 كامەرا ورناتۋ باستالدى. بارلىق كامەرالار 2022 جىلدىڭ سوڭىنا دەيىن ورناتىلادى.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن 1 قىركۇيەككە قاراي 1 725 ورىندى №117 جانە 132 مەكتەپتەرگە 2 قوسىمشا نىساندار پايدالانۋعا بەرىلدى جانە 400 ورىندىق "دوستىق" جەكەمەنشىك مەكتەبى اشىلدى. 4 مەكتەپتە (№122، 127، 141، بيل) سەيسميكالىق كۇشەيتۋ مەن كۇردەلى جوندەۋ جالعاسۋدا. جۇمىستىڭ اياقتالۋ مەرزىمى – 2023 جىلدىڭ 4 توقسانى.
مەكتەپكە دەيىنگى ۇيىمداردا ورىن تاپشىلىعىن قىسقارتۋ ماقساتىندا اعىمداعى جىلى 348 ورىندىق 6 جەكەمەنشىك بالاباقشا اشىلدى. اۋداندا 280 ورىندىق ەكى مەملەكەتتىك بالاباقشا سالۋ جۇمىستارى جۇرگىزىلۋدە. "التىن بەسىك" شاعىناۋدانىندا 120 ورىندىق ءبىرىنشى بالاباقشانىڭ قۇرىلىس-مونتاج جۇمىستارى 2023 جىلدىڭ ءبىرىنشى توقسانىنا جوسپارلانعان. ەكىنشى نىسان بويىنشا جسق ازىرلەۋ كەلەسى جىلى باستالادى.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن "مامىر-1" شاعىناۋدانىندا ءبىر اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى جۇرگىزىلۋدە. جۇمىستاردى 2023 جىلدىڭ I توقسانىندا اياقتاۋ جوسپارلانۋدا، سونداي-اق "قۋانىش" شاعىناۋدانىندا اۋىسىمدا 300 ادام قابىلدايتىن №18 ەمحانانىڭ جاڭا نەگىزگى عيماراتىنىڭ قۇرىلىسى بويىنشا جۇمىستار جۇرگىزىلۋدە.
سونداي-اق، قالا اكىمى ەربولات دوسايەۆ "حالىق قاتىساتىن بيۋدجەت" باعدارلاماسىنىڭ ىسكە اسىرىلۋ بارىسى تۋرالى حاباردار ەتتى. بيىل اۋداندا 23 جوبا اياقتالدى. 17 قوعامدىق كەڭىستىك، 4 شاعىن جاياۋ جۇرگىنشىلەر ايماعى اباتتاندىرىلىپ، 2 اۆتوماتتى سۋارۋ جۇيەسى ورناتىلدى.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت.ب. ماسەلەلەرىن كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋدىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – 8 اۋداننىڭ ءارقايسىسىنىڭ تۇرعىندارىمەن توقسانىنا ءبىر كەزدەسۋ.