اۋەزوۆ اۋدانىندا اپاتتى جاعدايداعى ينجەنەرلىك جەلىلەردى جاڭعىرتۋ ماسەلەسى باقىلاۋدا

سۋمەن جابدىقتاۋ جانە كاناليزاسيا جەلىسىن سالۋ

بيىلعى جىلدىڭ باسىنان بەرى 4 جەردە 185-تەن استام اپات بولعان، دەپ حابارلايدى Almaty-akshamy.kz.

سوندىقتان اكىمدىك وسى ۋچاسكەلەردەگى  ينجەنەرلىك جەلىلەردى جاڭعىرتۋ ماسەلەسىن ەرەكشە باقىلاۋعا الدى.بۇل – "دوستىق"، "مامىر-4" شاعىناۋداندارى جانە ساين-شالياپين-جاندوسوۆ-قارعالى وزەنى كوشەلەرى، سونداي-اق ارىچنايا، ىقىلاس، زاپادنايا كوشەلەرىنىڭ ۋچاسكەسى.

بۇل جايىندا قالا اكىمى ەربولات دوسايەۆتىڭ اۋەزوۆ اۋدانى تۇرعىندارىمەن وتكەن كەزدەسۋدە ايتىلدى.

«مەنىڭ تاپسىرمام بويىنشا بيىلعى جىلدىڭ ءساۋىر ايىنان باستاپ وسى شاعىناۋداندار مەن ۋچاسكەلەردە جالپى ۇزىندىعى 75،8 كم سۋمەن قامتۋ جانە سۋ بۇرۋ جەلىلەرىن (سۋمەن قامتۋ – 29 كم، سۋ بۇرۋ – 46،8 كم) سالۋ جانە جاڭارتۋ جوبالانۋدا.

2023 جىلدىڭ قاڭتار ايىندا جوبالاۋ-سمەتالىق قۇجاتتامانى ازىرلەۋدى اياقتاپ، مەملەكەتتىك ساراپتاماعا جىبەرۋ جوسپارلانعان»، - دەدى قالا اكىمى ەربولات دوسايەۆ. 

ساراپتامادان شىققاننان كەيىن جانە جاڭا قۇرىلىس ماۋسىمى باستالعان كەزدە، 2023 جىلدىڭ II توقسانىندا، قۇرىلىس-مونتاجداۋ جۇمىستارى باستالادى.

وسى جوبالاردى ىسكە اسىرۋ 2024 جىلدىڭ IV توقسانىنا قاراي بارلىق 4 ۋچاسكە بويىنشا 11 مىڭنان استام ابونەنتتى ساپالى سۋمەن جانە كارىز جۇيەسىمەن قامتاماسىز ەتۋگە مۇمكىندىك بەرەدى.