الماتىنىڭ اۋەزوۆ اۋدانىندا 2023 جىلى شوب بەلسەندى سۋبەكتىلەرىنىڭ سانى 14 پايىزعا ارتتى
2024 جىلى الماتىنىڭ اۋەزوۆ اۋدانىنا الەۋمەتتىك ينفراقۇرىلىمدى دامىتۋعا، سىرتقى جارىقتاندىرۋدى جاڭعىرتۋعا جانە سپورتتىق جانە شىعارماشىلىق ۇيىرمەلەردى ىسكە اسىرۋعا 36 ملرد تەڭگە ءبولىندى. بۇل تۋرالى الماتى اكىمى ەربولات دوسايەۆ قالا تۇرعىندارىمەن كەزدەسۋدە مالىمدەدى. وسىلايشا، اۋداندى قارجىلاندىرۋ 2023 جىلمەن سالىستىرعاندا 40%-عا ءوستى.
"اۋەزوۆ اۋدانى ەڭ تىعىز قونىستانعان، ينفراقۇرىلىمى مەن بيزنەس ورتاسى دامىعان. مۇندا قالانىڭ ءاربىر التىنشى بيزنەس سۋبەكتىسى جۇمىس ىستەيدى. 2023 جىلى شوب بەلسەندى سۋبەكتىلەرىنىڭ سانى وتكەن جىلمەن سالىستىرعاندا 14%-عا،52 مىڭعا دەيىن ءوستى، بۇل اۋەزوۆ اۋدانىندا 7 مىڭنان استام تۇراقتى جۇمىس ورنىن قۇرۋعا جانە سالىق تۇسىمدەرىن 36% - عا، 218 ملرد تەڭگەگە دەيىن ارتتىرۋعا مۇمكىندىك بەردى"، - دەپ اتاپ ءوتتى قالا باسشىسى.
فۋنكسيالاردى ورتالىقسىزداندىرۋدى ەسكەرە وتىرىپ، اۋەزوۆ اۋدانىنىڭ بيۋدجەتى 2023 جىلى 2،2 ەسەگە ، 11،5-تەن 26 ملرد تەڭگەگە دەيىن ۇلعايدى. بۇل رەتتە 2023 جىلعا ارنالعان "حالىق قاتىساتىن بيۋدجەت" جوباسىن ىسكە اسىرۋعا الماتىنىڭ بارلىق اۋداندارىنا 15،5 ملرد تەڭگە ءبولىندى، 2024 جىلعا بۇل جوبانىڭ بيۋدجەتى 17 ملرد تەڭگەگە دەيىن ۇلعايتىلدى.