الماتىنىڭ اۋەجايىندا مۋزەي اشىلادى. بۇل تۋرالى بۇگىن وتكەن قوعامدىق تالقىلاۋدا بەلگىلى بولدى، دەپ حابارلايدى اlmaty-akshamy.kz.
ونى جاڭا حالىقارالىق تەرمينالدان اشۋ جوسپارلانعان ەكەن. 100 شارشى مەتر اۋماقتا ۇيىمداستىرىلاتىن مادەني ورىن كەلۋشىلەردى بيىل قىركۇيەك ايىندا قابىلداي باستايدى.
ايتا كەتەيىك، مۇراجاي الماتىنىڭ العاشقى اۋەجايىنىڭ تاريحي كەلبەتىن ساقتاي وتىرىپ سالىنعان. وندا ماڭىزدى قۇجاتتار قويىلىپ، اۋە ايلاعىنىڭ تاريحىنان سىر شەرتەتىن دەرەكتى فيلم كورسەتىلەدى. سونداي-اق بۇگىن تاقىرىپ اياسىندا قوعامدىق كەڭەس مۇشەلەرى ءوز ۇسىنىسىن ايتتى.
«بۇگىن قوعامدىق كەڭەس مۇشەلەرىمەن كەزدەسىپ وتىرمىز. اۋەجاي مۋزەيىنە قاتىستى قانداي دا ءبىر ۇسىنىستارى بولسا، سونى بىزگە جەتكىزسە دەپ بۇگىنگى ءىس-شارانى ۇيىمداستىردىق. سونداي-اق مۇمكىن قالا تۇرعىندارىندا اۋەجايعا قاتىستى مۇراعاتتاعى قۇجاتتار بار شىعار. سولاردى مۇراجايعا قويعىمىز كەلەدى»، – دەدى الماتى حالىقارالىق اۋەجايىنىڭ ءبولىم باسشىسى يۋليا اللاحۆەردييەۆا.