اۋە بيلەتتەرى قىمباتتادى

اۋە بيلەتتەرى قىمباتتادى سۋرەت: Nur.kz

ەلىمىزدە ءساۋىر ايىندا ازىق-تۇلىككە جاتپايتىن تاۋارلاردىڭ باعاسى 1،3%-عا، ازىق-تۇلىك تاۋارلارى 0،9%-عا، اقىلى قىزمەتتەر 0،4%-عا ءوستى.




ۇلتتىق ستاتيستيكا بيۋروسىنىڭ مالىمەتىنشە، ازىق-تۇلىككە جاتپايتىن تاۋارلاردىڭ ىشىندە ساۋىردە باعانىڭ ەڭ جوعارى ءوسىمى ديزەل وتىنىنا – 16،1%، بەنزينگە – 9،7% بولدى. ناۋرىز ايىمەن سالىستىرعاندا جۋۋ جانە تازالاۋ قۇرالدارى 1،4%، جەكە گيگيەنا قۇرالدارى 1،1%، ىدىس-اياق 1%، تۇرمىستىق تەحنيكا 0،9% ءوستى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ



“ازىق-تۇلىك تاۋارلارى اراسىندا جەمىس پەن كوكونىس باعاسى ەداۋىر وسكەن، ساۋىردە قىرىققابات 4،7%، قىزاناق 4،1%، ءجۇزىم 3%، الما 2،6%، المۇرت 2،4% قىمباتتاعان. باعانىڭ ءوسۋى كۇرىشكە – 2،7%، سالقىنداتىلعان سۋسىندارعا – 2،5%، روجكيلەرگە، ۋلتراپاستەرلەنگەن سۇتكە – ءارقايسىسى 2،4%-دان، سالقىنداتىلعان بالىققا – 2،2%، پاستەرلەنگەن ءسۇت، ماكارون ونىمدەرىنە – ءارقايسىسى 2،1%-دان بايقالدى. بۇل رەتتە قيار – 11،4%، قاراقۇمىق جارماسى – 3،7%، كۇنباعىس مايى 2،6%-عا ارزاندادى”، – دەلىنگەن حابارلامادا.



قىزمەت كورسەتۋ بويىنشا باعالاردىڭ ءوسۋى جولاۋشىلار اۋە كولىگىندە بايقالدى، ءبىر ايدىڭ ىشىندە ۇشۋ قىزمەتى 17،7% قىمباتتادى. باعانىڭ جوعارىلاۋى شاشتاراز بەن سۇلۋلىق سالوندارىندا – 1،5%، جەرلەۋگە بايلانىستى سالت-جورا جاساۋ قىزمەتتەرىندە – 1% تىركەلدى. ساناتوريي قىزمەتتەرى – 1،1%، دەنساۋلىق ساقتاۋ قىزمەتتەرى 0،9% قىمباتتاعان.


وڭىرلەر اراسىندا ەڭ جوعارى ايلىق ينفلياسيا اباي جانە ۇلىتاۋ وبلىستارىندا – ءارقايسىسىندا 1،4%-دان (ورتاشا رەسپۋبليكالىق دەڭگەيدەن 0،5 پ.ت. جوعارى)، ەڭ تومەنگى استانا قالاسىندا تىركەلدى – 0،5%.


وڭىرلەر بويىنشا ازىق-تۇلىك تاۋارلارى باعاسىنىڭ ەڭ جوعارى ءوسىمى باتىس قازاقستان وبلىسىندا 1،8%، ازىق-تۇلىككە جاتپايتىن تاۋارلار بويىنشا الماتى وبلىسىندا 3%، اقىلى قىزمەتتەردە تۇركىستان وبلىسىندا 2،3%.


ايتا كەتەيىك، 19 ساۋىردە ۇكىمەتتىڭ كەڭەيتىلگەن وتىرىسىندا پرەزيدەنت توقايەۆ ەلىمىزدە ينفلياسيا سوڭعى 15 جىلدا بولماعان دەڭگەيگە جەتكەنىن ايتىپ، ۇكىمەت مۇشەلەرىنىڭ باعانى ۇستاپ تۇرۋعا باعىتتالعان قادامدارىنان ەش ناتيجە جوعىن مالىمدەدى.



“جۇرتتىڭ اي سايىن جۇمسايتىن قارجىسىنىڭ تەڭ جارتىسىنان كوبى ازىق-تۇلىك الۋعا كەتەدى. ۇكىمەتتىڭ ارەكەتى جەتكىلىكسىز بولىپ وتىر. تىيىم سالۋ جانە شەكتەۋ شارالارى ۋاقىتشا عانا اسەر ەتەدى. مۇنداي قادامدار قيىندىقتىڭ بەتىن قايتارسا دا، ودان ءبىرجولا قۇتىلۋعا مۇمكىندىك بەرمەيدى، ءتىپتى، ماسەلەنى ۋشىقتىرادى دەۋگە بولادى”، – دەدى مەملەكەت باسشىسى.



سونداي-اق، كۇنى كەشە ءماجىلىس دەپۋتاتى ەلنۇر بەيسەنبايەۆ حالىقتىڭ ورتاشا تابىسى مەن قىمباتشىلىق جايلى رەسمي ستاتيستيكا شىندىققا ساي كەلمەيتىنىن ايتتى.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24