ۇزىندىعى 27،5 كم 2 ماگيسترالدى كوشەگە ورتاشا جوندەۋ جۇرگىزۋ كوزدەلگەن.
6 ماۋسىمنان باستاپ ءال-فارابي داڭعىلىنداعى «ەسەنتاي» وزەنى ارقىلى وتەتىن كوپىردى كەڭەيتۋ جۇمىستارى باستالدى، دەپ حابارلايدى Almaty-akshamy.kz
وسى جوبا اياسىندا جولدىڭ ەكى جاعىنان ەرەكشە قاجەتتىلىكتەرى بار ادامدارعا ارنالعان پاندۋستارمەن جابدىقتالعان ەكى ۆەلو-جاياۋ جۇرگىنشىلەر كوپىرى سالىنىپ جاتىر. كوپىردى كەڭەيتۋ – 2023 جىلدىڭ 1 قىركۇيەگىنە دەيىن؛ ۆەلو-جاياۋ جۇرگىنشىلەر كوپىرلەرىنىڭ قۇرىلىسى - 2023 جىلدىڭ 15 قازانىنا دەيىن اياقتالادى.
اۋداننىڭ جول ينفراقۇرىلىمىن جاقسارتۋ ءۇشىن 23 كوشەگە، ونىڭ ىشىندە ۇزىندىعى 27،5 كم 2 ماگيسترالدى كوشەگە ورتاشا جوندەۋ جۇرگىزۋ كوزدەلگەن.
بيىل ماۋسىم ايىنان باستاپ 2 ماگيسترالدى كوشەدە ورتاشا جوندەۋ جۇمىستارى جۇرگىزىلۋدە، اياقتالۋى – 1 قىركۇيەككە دەيىن. بۇعان دەيىن جوندەۋ جۇمىستارى ءال-فارابي داڭعىلىندا 2010 جىلى، اباي داڭعىلىندا 2012 جىلى جۇرگىزىلگەن.
سونداي-اق ماۋسىم ايىنان باستاپ 3 كوشەنى ورتاشا جوندەۋ جۇمىستارى باستالدى. قالعان 18 كوشەدە جۇمىستار 15 شىلدەدەن باستالادى. بارلىق جۇمىستار بيىل قازان ايىنا دەيىن اياقتالادى.
دەسەنتراليزاسيا اياسىندا اۋدان اكىمدىگى ماۋسىم ايىنان باستاپ اۋدان كوشەلەرى مەن جول وتكەلدەرىندەگى شۇڭقىرلاردى جوندەۋ جۇمىستارىن جۇرگىزۋدە. بارلىعى 500 ملن تەڭگەگە جالپى اۋدانى 60 مىڭ شارشى مەتردى جوندەۋ جوسپارلانعان. قازىرگى ۋاقىتتا 4،0 مىڭ شارشى مەتر اسفالت توسەلدى.
جول قاۋىپسىزدىگىن قامتاماسىز ەتۋ ماقساتىندا بيىلعى 30 قاراشاعا دەيىن 8 سۆەتوفور وبەكتىسىن ورناتۋ جوسپارلانۋدا.
حالىققا كولىك قىزمەتىن كورسەتۋ ساپاسىن جاقسارتۋ ءۇشىن 21 مارشرۋتتا 288 اۆتوبۋس جاڭارتىلدى.
بۇدان باسقا، وسى جىلدىڭ سوڭىنا دەيىن جەكە تاسىمالداۋشىلار مارشرۋتتارىنداعى 44 اۆتوبۋستى جانە «الماتىەلەكتروترانس» ج ش س مارشرۋتتارىنداعى 193 اۆتوبۋستى جاڭارتۋ جوسپارلانۋدا.