قىزمەت كورسەتۋ ساپاسىن ارتتىرۋ ماقساتىندا 3 باعىت جاڭاردى.
سونىمەن بىرگە ءۇش باعىت ۇزارتىلدى، دەپ حابارلايدى Almaty-akshamy.kz
«الدىڭعى كەزدەسۋىمىزدە ايتىلعان سىزدەردىڭ وتىنىشتەرىڭىز بەن تىلەكتەرىڭىز نەگىزىندە 3 مارشرۋت: «بارلىق» بازارىنان اباي ساياجايلارىنا كارەرنايا كوشەسى بويىنشا №31 جانە №67 جانە مومىش ۇلى مەترو ستانسياسىن قامتي وتىرىپ №110 باعىتتارى ۇزارتىلدى»، دەدى ەربولات دوسايەۆ حاىقپەن كەزدەسۋىندە.
قىزمەت كورسەتۋ ساپاسىن ارتتىرۋ ماقساتىندا 3 باعىت جاڭاردى. اۆتوبۋستار سانى №44 مارشرۋت بويىنشا 12-دەن 14-كە دەيىن، №55 مارشرۋت بويىنشا 7-دەن 10-عا دەيىن جانە №137 مارشرۋت بويىنشا 16-دان 19-عا دەيىن كوبەيتىلدى.
تۇرعىندارعا ىڭعايلى بولۋ ءۇشىن اۋدان اۋماعىندا الاتاۋ، ءاشىموۆ جانە سترويتەلنايا كوشەلەرىندە 6 ايالداما كەشەنى ورناتىلدى. بيىلعى قازان ايىنا دەيىن كارەرنايا، تاجييەۆ كوشەلەرى مەن "قالقامان" شاعىناۋدانىنا قوسىمشا 6 تولىق ايالداما ورناتۋدى جوسپارلاپ وتىرمىز. مۇنداي مۇمكىندىك جوق ۋچاسكەلەردە «ايالداما» بەلگىسى بار ءتيىستى جول بەلگىلەرى ورناتىلادى.