پرەمەر-مينيستر ولجاس بەكتەنوۆ سەنات دەپۋتاتى ولگا بۋلاۆكيناعا جولداعان جاۋابىندا قولايسىز مەتەورولوگيالىق جاعداي (قمج) كەزىندە مەكتەپ، كوللەدج جانە جوعارى وقۋ ورىندارىن قاشىقتان وقىتۋ ءتارتىبى زاڭنامالىق تۇرعىدا رەتتەلگەنىن مالىمدەدى، دەپ حابارلايدى aqshamnews.kz
ۇكىمەت باسشىسى قاشىقتان ءبىلىم بەرۋ رەسمي وقۋ فورماسى ەكەنىن ەسكە سالدى. بۇل ءتارتىپ 2023 جىلدىڭ 27 قاراشاسىنداعى №349 بۇيرىقپەن بەكىتىلگەن.
بەكتەنوۆتىڭ ايتۋىنشا، ونلاين فورمات نمۋ عانا ەمەس، توتەنشە جاعداي، كارانتين، مەديسينالىق قورىتىندى، اتا-انالاردىڭ ءوتىنىشى نەمەسە وزگە دە سەبەپتەر بويىنشا قولدانىلۋى مۇمكىن.
- ەگەر اۋاداعى زياندى زاتتاردىڭ مولشەرى رۇقسات ەتىلگەن دەڭگەيدەن ءۇش ەسە اسىپ، قمج ەكىنشى نەمەسە ءۇشىنشى دەڭگەيى تىركەلسە، جەرگىلىكتى اتقارۋشى ورگاندار وقۋشىلاردى قاشىقتان وقىتۋعا كوشىرۋ تۋرالى شەشىم قابىلداۋعا قۇقىلى، – دەلىنگەن پرەمەر-مينيستردىڭ جاۋابىندا.
بەكتەنوۆ بۇل ماسەلەلەر ۇكىمەتتىڭ تۇراقتى باقىلاۋىندا ەكەنىن اتاپ ءوتتى.