«الماتى» اكك» اق ەنشىلەس ۇيىمى «Almaty Finance» ج ش س الماتىنىڭ يندۋستريالىق ايماعىندا جاڭا شاعىن ونەركاسىپ پاركىن سالۋ ءۇشىن نەسيە جەلىسىن اشتى. بۇل تۋرالى «الماتى» اكك-نىڭ وكىلدەرى حابارلادى.
جوبا «Almaty Business – 2025» وڭىرلىك باعدارلاماسى اياسىندا قارجىلاندىرىلدى. نەسيەلىك جەلىنىڭ جىلدىق سوماسى 6 پايىزدىق مولشەرلەمەمەن 500 ملن تەڭگە. جوبانى «كاپسترويگرۋپپ-ت» ج ش س جۇزەگە اسىرادى. كومپانيانىڭ جەكە ينۆەستيسيا كولەمى 700 ملن تەڭگە. جوبانىڭ جالپى قۇنى – 1،2 ملرد تەڭگە.
جاڭا شاعىن ونەركاسىپ پاركى اۋدانى 1 گەكتار بولاتىن جەر تەلىمىندە سالىنادى. جوبا اياسىندا جالپى اۋدانى 8 927 شارشى مەتر بولاتىن ءۇش وندىرىستىك جانە ءبىر اكىمشىلىك عيمارات بوي كوتەرەدى، ونىڭ 7 588 شارشى مەترى جالعا بەرىلەدى. ونەركاسىپ پاركتىڭ اۋماعىندا 8-دەن 10-عا دەيىن شاعىن جانە ورتا بيزنەس نىساندارى بولادى، بۇل شامامەن 150 جۇمىس ورنىن اشۋعا مۇمكىندىك بەرەدى.
«شاعىن ونەركاسىپ پاركتەرىن دامىتۋ ارقاسىندا كاسىپكەرلەر باستاپقى شىعىنسىز زاماناۋي ءوندىرىس ورىندارىن قۇرا الادى. مۇنداي عيماراتتاردى جالعا الۋ قۇنى ءبىر شارشى مەترىنە 2 350 تەڭگەگە دەيىن بەرىلەدى، بۇل سوما شوب ءۇشىن قولجەتىمدى. الماتى اۋماعىندا 30-دان استام شاعىن ونەركاسىپ پاركى جۇمىس ىستەيدى، ونىڭ 15ء-ىن «Almaty Finance» قارجىلاندىردى»، - دەدى «Almaty Finance» ج ش س باسقارما ءتوراعاسى ەرلان ەگەمبەردييەۆ.
قازىرگى كەزدە نىسان 43% دايىن. وندىرىستىك عيماراتتاردىڭ قاڭقالىق جانە اكىمشىلىك عيماراتتىڭ كوپقاباتتى بەتون قۇرىلىمىنىڭ قۇرىلىسى ءبىتتى.
شاعىن ونەركاسىپ پاركىنىڭ قۇرىلىسىن 2026 جىلى 2 توقساندا اياقتاۋ جوسپارلانىپ وتىر.