ۋنيۆەرسيتەت ستۋدەنتى كۇدىكتى رەتىندە ۇستالدى.
نيدەرلاندىداعى روتتەردام قالاسىندا قارۋلى ادام وق جاۋدىرىپ، ءۇش ادامدى ءولتىردى، دەپ حابارلايدى اlmaty-akshamy.kz. BBC-گە سىلتەمە جاساپ.
39 جاستاعى ايەل مەن 42 جاستاعى ۋنيۆەرسيتەت وقىتۋشىسى بىردەن قايتىس بولدى. پوليسيا حابارلاعانداي، ولاردىڭ دەنەسى ءبىر جەردەن تابىلعان جوق. ولتىرىلگەن ايەلدىڭ 14 جاسار قىزى اۋىر جاراقات الىپ، كەيىن اۋرۋحانادا قايتىس بولدى.
شابۋىلداۋشى پاتەردە، سودان كەيىن جاقىن ماڭداعى ەرازمۋس مەديسينالىق ورتالىعىندا وق جاۋدىردى. پاتەردە ول ەكەۋىن جاراقاتتاپ، سودان كەيىن ونى ورتەپ جىبەردى، دەپ حابارلايدى جەرگىلىكتى ب ا ق. كەيىن ول اتىسىن مەديسينالىق مەكەمەدە جالعاستىردى.
پوليسيا ەكى وقيعاعا دا قاتىسى بار دەگەن كۇدىكپەن ەرازمۋس مەديسينالىق ۋنيۆەرسيتەتىنىڭ ستۋدەنتى بولعان 32 جاستاعى قالا تۇرعىنى قاماۋعا الىنعانىن ايتتى. روتتەردام پروكۋرورى ۋگو حيللەنااردىڭ ايتۋىنشا، قىلمىسقا نە سەبەپ بولعانى ءالى انىقتالعان جوق.