الماتىعا Pfizer ۆاكسيناسىنىڭ 10 مىڭ دوزاسى جەتكىزىلەدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
الماتى قالالىق قوعامدىق دەنساۋلىق ساقتاۋ باسقارماسى تاراتقان مالىمەتكە سايكەس، 2021 جىلدىڭ 1 اقپانى مەن 2022 جىلعى 5 شىلدە ارالىعىندا كوروناۆيرۋس ينفەكسياسىنا قارسى ەكپەنىڭ ءبىرىنشى دوزاسى 1 227 967 ادامعا ەگىلدى. ونىڭ ىشىندە ۆاكسينانىڭ ەكى كومپونەنتىن 1،1 ملن استام ادام العان. ريەۆاكسيناسيادان 496 723 الماتىلىق ءوتتى.
«5 شىلدە كۇنى 1 023 الماتىلىق ۆاكسينا سالدىردى. ءقازىر قالادا 96 پۋنكت جۇمىس ىستەپ تۇر. 340 ادامنان تۇراتىن 103 ەكپە بريگاداسى بار. قالا حالقىن كوروناۆيرۋس ينفەكسياسىنا قارسى ۆاكسينالاۋ ءۇشىن ەكپە مولشەرى جەتكىلىكتى . اتىراۋدان الماتىعا تاعى 10 مىڭ دوزا Pfizer ۆاكسيناسى جەتكىزىلەدى»، - دەپ ناقتىلادى الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى.