الماتىدا كوروناۆيرۋس جۇقتىرعان 69 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
5 شىلدە كۇنگى اقپارات بويىنشا، ءبىر تاۋلىكتە قالادا 199 ادام كوروناۆيرۋس جۇقتىرعان. ونىڭ ىشىندە 182 ناۋقاستا ىندەت بەلگىلەرى بار، 17 ناۋقاس - سيمپتومسىز.
«ينفەكسيالىق ستاسيونارلاردا 69 ادام جاتىر. بارلىق ەمدەلىپ شىققاندار – 48، كەلىپ تۇسكەنى – 10. ءجىتى رەسپيراتورلىق ۆيرۋستىق ينفەكسيامەن (جرۆي) – 1 پاسيەنت»، – دەپ ناقتىلادى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.
ايتا كەتەيىك، 4 شىلدەدەن باستاپ الماتى قالاسى «سارى» ايماقتا. وسىعان بايلانىستى، الماتى قالاسىنىڭ باس مەملەكەتتىك سانيتاريالىق دارىگەرىنىڭ جاڭا قاۋلىسى شىقتى.