اتىراۋدا تانىمال بلوگەر زيرات ماڭىندا سوققىعا جىعىلعانىن ايتتى

اتىراۋدا تانىمال بلوگەر الەۋمەتتىك جەلىدە وزىنە قاتىستى بولعان سۇمدىق وقيعا تۋرالى ايتىپ بەردى، - دەپ حابارلايدى اqshamnews.kz ءتىلشىسى. 

ءىستىڭ ءمان-جايى

بلوگەردىڭ ايتۋىنشا، ول ىستامبۇلعا ارنالعان تۋردى جارنامالاۋعا كەلىسىپ، ءوزى دە 100 مىڭ تەڭگە الدىن الا تولەگەن. ءبىراق تۋر جۇزەگە اسپاعان. اقشاسىن قايتارۋدى سۇراعاندا، ۇيىمداستىرۋشىلار تاراپىنان قورقىتۋ مەن قىسىم باستالعان.

بلوگەردىڭ سوزىنشە، 3 قازاندا تۋردى ۇيىمداستىرعان قىز جانە ونىڭ قۇربىسى ونى اڭدىپ ءجۇرىپ، "سويلەسەمىز" دەپ كولىككە وتىرعىزعان. كەيىن ولار زيرات ماڭىنا اپارىپ، سوققىعا جىققان.

پوليسيا نە دەيدى؟

اتىراۋ وبلىستىق پوليسيا دەپارتامەنتىنىڭ مالىمەتىنشە، 25 جاستاعى تۇرعىن 4 قازاندا پوليسياعا ارىز ءتۇسىرىپ، تانىستارى ۇرىپ-سوققانىن حابارلاعان.

"بۇل دەرەك بويىنشا قىلمىستىق ءىس قوزعالدى. كۇدىكتىلەر انىقتالىپ، ۇستالدى. تەرگەۋ ءجۇرىپ جاتىر: بەينەباقىلاۋ جازبالارى الىندى، كۋاگەرلەردەن جاۋاپ الىنىپ جاتىر، بەتتەستىرۋ شارالارى جۇرگىزىلدى. ءىستىڭ تەرگەۋ بارىسى مەنىڭ جەكە باقىلاۋىمدا"، – دەدى اتىراۋ وبلىستىق پد باستىعى.