اتىراۋدا ورتەنگەن پاتەردەن 5 ادام قۇتقارىلدى. ونىڭ ىشىندە ءۇش بالا بار. ال دەنەسىن كۇيىك شالىپ، كومىرقىشقىل گازىنا ۋلانعان ءبىر ادام اۋرۋحاناعا جەتكىزىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي، ءورت 17 شىلدە كۇنى ساعات 03:05-تە تۇتانعان. اتىراۋ قالاسىنىڭ ازاتتىق داڭعىلىندا ورنالاسقان №49-ا مەكەنجايىنداعى كوپقاباتتى ءۇيدىڭ پاتەرى ورتەنگەن. شاكىرتۋ ورنىنا جەتكەن قۇتقارۋشىلار جالپى اۋماعى 90 شارشى مەتر بولاتىن پاتەردىڭ اس بولمەسىندە تۇرمىستىق بۇيىمدار ورتەنگەنىن انىقتادى. جالىن 15 شارشى مەتر اۋماقتى شارپىعان. توتەنشە جاعدايلار دەپارتامەنتىنىڭ ءورت سوندىرۋشىلەرى پاتەردەن 5 ادامدى قۇتقاردى. ونىڭ ىشىندە 3 بالانى كىرەبەرىس دالىزىندەگى باسپالداق ارقىلى ءقاۋىپسىز جەرگە الىپ شىقتى.
«ءورت سالدارىنان 1991 جىلى تۋعان ايەل كومىرقىشقىل گازىنا ۋلانىپ، دەنەسىن كۇيىك شالعان. زارداپ شەككەن تۇرعىن جەدەل جاردەم بريگاداسىمەن اۋرۋحاناعا جەتكىزىلدى»، - دەپ ءمالىم ەتتى قوعاممەن بايلانىس توبىنان.
جالىن ساعات 03:40-تا وقشاۋلاندىرىلىپ، ساعات 03:53-تە تولىقتاي ءسوندىرىلدى. ءورتتى سوندىرۋگە توتەنشە جاعدايلار دەپارتامەنتىنەن 12 كىزمەتكەر مەن 3 تەحنيكا تارتىلدى.
ءقازىر وقيعا سەبەبى انىقتالىپ جاتىر.