اتىراۋدا بەرەكە ىقشاماۋدانى، № 24 ۇيدە ەر ادامنىڭ سۇيەگى تابىلدى. تۇرعىنداردىڭ ايتۋىنشا، ءمايىتتىڭ پاتەردە جاتقانىنا 21 كۇن وتكەن. ال ونىڭ ولگەنى تۋرالى تۋىسقانى ىزدەپ كەلگەندە بەلگىلى بولعان، - دەپ حابارلايدى aqshamnews.kz ءتىلشىسى.
وسىعان دەيىن دالىزدە قاڭسىق ءيىس تۇردى، ءالى دە كەتپەي تۇر، ءسىڭىپ قالعان. سۇيەك تابىلعاننان كەيىن تۇرعىندار ءوز كۇشىمەن تازالداپ، رەتكە كەلتىرگەن، ءبىراق ءيىس سوندا دا كەتپەي تۇر.
"ءيىس بۇكىل پودەزدى الىپ كەتتى. ءبىز ءوز كۇشىمىزبەن ادام جالداپ، تازالاپ، حلور، "بەليزنامەن" جۋدىق. سوندا دا ءيىس كەتپەي تۇر. ءبىز مامانى بولماعاسىن، نە قولدانعان دۇرىسىن بىلمەيمىز"، - دەيدى كورشىلەردىڭ ءبىرى.
تۇرعىنداردىڭ ايتۋىنشا، وقيعادان كەيىن سانيتاريالىق-ەپيدەميولوگيالىق قىزمەتتەر نەمەسە مامانداندىرىلعان ۇيىمدار وقيعا ورنىنا كەلمەگەن، رەسمي دەزينفەكسيا جۇرگىزىلمەگەن.
تۇرعىندار مۇنداي جاعدايلاردان كەيىن ءدالىز بەن پاتەردى سانيتاريالىق وڭدەۋگە كىم جاۋاپتى - پاتەر يەلەرى كووپەراتيۆى مە، الدە مەنشىك يەلەرى بىرلەستىگى مە، بولماسا سانيتاريالىق قىزمەت پەن باسقا ۋاكىلەتتى ورگاندار ما دەپ سۇرايدى.