ءجاسوسپىرىمنىڭ قابىرعاسى سىنعان، دەنەسىندە ءتۇرلى جاراقاتتار مەن كوگەرگەن داقتار بار.
اتىراۋلىق ەر ادام 11 جاسار قىزىن ۇرىپ-سوعىپ، دۇعا جاساۋعا ماجبۇرلەگەن. اكەسىنەن ءزابىر كورىپ، ۇيىنەن قاشىپ كەتكەن ءجاسوسپىرىم كامەلەتكە تولماعانداردى بەيىمدەۋ ورتالىعىندا تۇرىپ جاتىر، دەپ حابارلايدى اlmaty-akshamy.kz.
بۇل جايىندا ءوزىن بەيىمدەۋ ورتالىعىنىڭ قىزمەتكەرىمىن دەپ تانىستىرعان ديلناز ءادىلجان قىزى الەۋمەتتىك جەلىگە جازدى. ونىڭ ايتۋىنشا، 11 جاسار قىزدىڭ اناسى تۇرمەگە تۇسكەن.
بوستاندىققا شىققان سوڭ، بالالارىنان باس تارتىپ، وتباسىنان كەتىپ قالعان.
«بىلتىر ءجاسوسپىرىم قىز اجەسىنەن اۋرۋحاناعا اپارۋدى وتىنگەن. اۋرۋحانا دارىگەرلەرى ءجاسوسپىرىمنىڭ دەنەسىنەن جاراقاتتى، كوگەرگەن داقتى، قابىرعاسى سىنعانىن انىقتاعان. ول كەزدە بالا دارىگەرلەرگە ەشتەڭە ايتپاعان. ال، بيىلعى قاڭتاردا سىنىپتاسىنىڭ اكەسىنەن كومەك سۇراعان. ول ءجاسوسپىرىمدى پوليسياعا جەتكىزگەن. پوليسيا قىزمەتكەرلەرى اكەسىنەن قورلىق كورگەن قىزدى كامەلەتكە تولماعانداردى بەيىمدەۋ ورتالىعىنا ورنالاستىردى»، -دەيدى ديلناز ءادىلجان قىزى Facebook پاراقشاسىندا.
ءقازىر پسيحولوگتار قورلىق كورگەن جاسوسپىرىممەن جۇمىس ىستەپ جاتىر.
ال پوليسيا قىزمەتكەرلەرى ق ر قىلمىستىق كودەكسىنىڭ 110-بابىنىڭ 2-بولىگىنىڭ 1-تارماعىمەن سوتقا دەيىنگى تەرگەپ-تەكسەرۋدى باستادى.
ءتيىستى ساراپتامالار تاعايىندالدى. وزگە اقپارات، ق ر قىلمىستىق-پروسەستىك كودەكسىنىڭ 201-بابىنا سايكەس، جاريالاۋعا جاتپايدى.