ينسپەكتورلار قىلمىستى اشۋعا ەشقانداي ارەكەت جاساماي، وزدەرىنىڭ جۇمىستارىن جەڭىلدەتۋ ماقساتىندا قىزمەتتىك ارەكەتسىزدىك تانىتقان
تىراۋدا ادام ۇرلاۋ مەن زورلاۋعا قاتىستى قىلمىستى جاسىرعان پوليسەيلەر سوتتالدى، دەپ حابارلايدى Almaty-akshamy.kz №2 سوتتىڭ باسپا ءسوز قىزمەتىنە سىلتەمە جاساپ.
بۇگىن بۇل ءىس اتىراۋ قالاسىنىڭ №2 سوتىندا قارالدى. ەكى ۋچاسكەلىك پوليسيا ينسپەكتورىنا قىلمىستىق كودەكستىڭ 370-بابىنىڭ 2-بولىگىنىڭ 1) تارماعىمەن (اۋىر زارداپتارعا الىپ كەلگەن قىزمەتتەگi ارەكەتسiزدiك)، جەدەل ۋاكىل مەن تەرگەۋشىگە 433-باپتىڭ 3-بولىگىنىڭ 1 جانە 2) تارماعىمەن (ااسا اۋىر قىلمىستى جاسىرۋعا نە اۋىر زارداپتارعا اكەپ سوققان الدىن الا ءسوز بايلاسۋ ارقىلى ادامدار توبى جاساعان قىلمىستىق قۇقىق بۇزۋشىلىقتى جاسىرۋ) ايىپ تاعىلعان.
«سوت تالقىلاۋ كەزىندە مىناداي جايت انىقتالدى. جابىرلەنۋشى د تانىسى ۋ-دىڭ ءوزىن ۇرلاپ، زورلاپ، ۇيىنە زاڭسىز كىرگەنى تۋرالى پوليسياعا ارىز تۇسىرگەن. الايدا، ۋچاسكەلىك پوليسيا ينسپەكتورلارى ا مەن ك جابىرلەنۋشى د.-نىڭ ارىزىن قاراماي، ونى جاسىرىپ، ك جالعان حاتتاما تولتىرعان. ينسپەكتورلار قىلمىستى اشۋعا ەشقانداي ارەكەت جاساماي، وزدەرىنىڭ جۇمىستارىن جەڭىلدەتۋ ماقساتىندا قىزمەتتىك ارەكەتسىزدىك تانىتقان. جەدەل ۋاكىل ت جانە تەرگەۋشى ل جابىرلەنۋشى د ولاردان كومەك سۇراپ كەلگەنىنە قاراماستان، ونى ۇرلاپ جانە زورلاعانى بويىنشا شارا قولدانباي، جابىرلەنۋشىنىن الداپ، اۋىر ساناتتاعى ەكى قىلمىستى تىركەۋدەن قاساقانا جالتارعان. ناتيجەسىندە ۋ ءوزىنىڭ جازاسىزدىعىن سەزىنىپ، د-نىڭ دەنساۋلىعىنا اۋىر زيان كەلۋىنە، اۋىر زارداپتىڭ ورىن الۋىنا جول بەرگەن»، - دەلىنگەن حابارلامادا.
سوتتالۋشىلاردىڭ كىناسى جابىرلەنۋشىنىڭ، ونىڭ وكىلىنىڭ، كۋالەردىڭ ايعاقتارىمەن، ساراپتامالار قورىتىندىلارىمەن، بەينەجازبالارمەن دالەلدەندى. پروكۋرور سوتتالۋشىلار ا مەن ك-نى ءومىر بويىنا، ت مەن ل-نى بەس جىل مەرزىمگە قۇقىق قورعاۋ ورگاندارىندا قىزمەتپەن اينالىسۋ قۇقىعىنان، ارنايى اتاعىنان ايىرىپ، بارلىعىنا باس بوستاندىعىنان ايىرۋ تۇرىندەگى جازا تاعايىنداۋدى سۇراعان. ال، سوتتالۋشىلار تاعىلعان ايىپپەن كەلىسپەي، وزدەرىن اقتاۋدى سۇراعان.
سوت ا مەن ك-نىڭ قىلمىستىق جاۋاپتىلىعى مەن جازاسىن جەڭىلدەتەتىن ءمان-جاي رەتىندە ولاردىڭ اسىراۋىندا جاس بالالارى بارىن، سوتتالۋشى ل-نىڭ شىنايى وكىنگەنىن ەسكەردى. سوتتالۋشى ت-دا جازاسىن جەڭىلدەتەتىن ءمان-جايلار انىقتالمادى. سوتتالۋشىلاردىڭ قابىلداعان انتتى بۇزۋى جازانى اۋىرلاتاتىن جاعداي دەپ تانىلدى.
«سوت ۇكىمىمەن سوتتالۋشىلار ا مەن ك-نى ءومىر بويىنا، ت مەن ل 5 جىلعا قۇقىق قورعاۋ ورگاندارىندا قىزمەتپەن اينالىسۋ قۇقىعىنان ايىرىلدى. ل-عا - 3 جىل، ا، ك، ت-عا 4 جىل مەرزىمگە باس بوستاندىعىنان ايىرۋ جازاسى تاعايىندالدى. سوتتالۋشىلار ارنايى اتاقتارىنان ايىرىلدى. «راقىمشىلىق جاساۋ تۋرالى» زاڭعا سايكەس، ت جانە ل-عا تاعايىندالعان باس بوستاندىعىنان ايىرۋ جازاسىنىڭ مەرزىمى ۇشتەن ءبىر بولىگىنە، ياعني ت-عا 1 جىل 4 ايعا، ل-عا 1 جىلعا قىسقارتىلدى»، -دەپ ءمالىم ەتتى سوتتىڭ باسپا ءسوز قىزمەتىنەن.
سوت ۇكىمى زاڭدى كۇشىنە ەنگەن جوق.