24 ءۇيدىڭ تۇرعىندارى ءقاۋىپسىز جەرگە كوشىرىلدى.
اتىراۋ وبلىسىنداعى نوعايتى وزەنى ارناسىنان اسىپ، ساعىز اۋىلىن سۋ باستى. جيىرمادان استام ۇيگە سۋ باسۋ ءقاۋپى ءتوندى، دەپ حابارلادى Almaty-akshamy.kz.
قازىرگى ۋاقىتتا سۋ استىندا قالۋى مۇمكىن دەگەن 24 ءۇيدىڭ تۇرعىندارى ءقاۋىپسىز جەرگە كوشىرىلىپ، كوللەدج بەن مەكتەپكە ورنالاستىرىلىپ جاتىر.
«ازاماتتاردى ءقاۋىپسىز ورىندارعا كوشىرۋ، سونداي-اق سۋعا بوگەتتەر قويۋ جۇمىستارىنا ەرىكتىلەر، وزگە دە مەكەمە قىزمەتكەرلەرى بار - بارلىعى ەكى جۇزدەي ادام، ونداعان تەحنيكا جۇمىلدىرىلعان»، - دەلىنگەن وڭىرلىك كوممۋنيكاسيالار قىزمەتىنىڭ حابارلاماسىندا.