اتىراۋ وبلىسىندا ءجاسوسپىرىمدى اۋىلداسى ۇرىپ ولتىرگەن

كۇدىكتى ەكى ايعا قاماۋعا الىندى.

ءىستىڭ تەرگەپ-تەكسەرىلۋى ەرەكشە باقىلاۋعا الىندى، دەپ حابارلايدى Almaty-akshamy.kz

اتىراۋ وبلىسىنىڭ پروكۋراتۋراسى ماحامبەت اۋدانىندا جاسى كامەلەتكە تولماعاننىڭ قازا بولۋ دەرەگى بويىنشا اقپارات جاريالادى.

بيىلعى جىلدىڭ 4 شىلدەسىندە اتىراۋ وبلىسى، ماحامبەت اۋدانى، سارىتوعاي اۋىلىندا اۋىلداسى كەلتىرگەن سوققىدان 17 جاسار ءجاسوسپىرىم مەرت بولدى.

«پوليسيا اتالعان دەرەك بويىنشا «ابايسىزدا قازاعا ۇشىراتۋ» بابىمەن سوتقا دەيىنگى تەرگەپ-تەكسەرۋدى باستادى. 11 شىلدەدە اتىراۋ وبلىسى پروكۋراتۋراسىنىڭ نۇسقاۋىمەن كۇدىكتىنىڭ ارەكەتى «ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بابىمەن دارەجەلەنىپ، ول قاماۋعا الىندى»، -دەپ تولىقتىردى ۆەدومستۆو.

13 شىلدەدە وعان قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى. ءىستىڭ تەرگەپ-تەكسەرىلۋى ەرەكشە باقىلاۋعا الىندى.

«ادام جانە ونىڭ ءومىرى، قۇقىقتارى مەن بوستاندىقتارى – مەملەكەتىمىزدىڭ ەڭ جوعارى قۇندىلىقتارى. ادامنىڭ ءومىرى مەن دەنساۋلىعىنا قول سۇعۋشىلىق زاڭ بويىنشا قاتاڭ تۇردە قۋدالانادى»، - دەپ ەسكەرتتى قاداعالاۋشى ورگان.