ۇڭعىمالاردى جويۋ وزەكتى ماسەلەگە اينالعان
بيىل اتىراۋ وبلىسىندا 60 گيدروگەولوگيالىق ۇڭعىما جويىلادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى نۇرلان جانتوقوۆتىڭ ايتۋىنشا، جىلىوي اۋدانىنىڭ اۋماعىنداعى 60 گيدروگەولوگيالىق ۇڭعىمانى جويۋ كوزدەلىپ وتىر.
«وزدىگىنەن اعاتىن گيدروگەولوگيالىق ۇڭعىمالار جەر استىنداعى تۇششى سۋدىڭ تابيعي رەسۋرسىنا، قورشاعان ورتاعا زيان كەلتىرەدى. جەراستى جانە جەرۇستى سۋلارىن فەنولدارمەن، راديواكتيۆتى جانە ۋلى ەلەمەنتتەرمەن لاستايدى. وسىعان بايلانىستى بىلتىر جىلىوي اۋدانىنداعى 60 گيدروگەولوگيالىق ۇڭعىمانى جويۋ ءۇشىن جوبالىق-سمەتالىق قۇجاتتاما جاساقتاۋ ءۇشىن رەسپۋبليكالىق بيۋدجەتتەن 26،5 ملن تەڭگە قارجى ءبولىندى. ال، بيىل يەسىز قالعان ۇڭعىمالاردى تىعىنداۋ، جابۋ جۇمىستارىن جۇرگىزۋگە قارجى مينيسترلىگىنە رەسپۋبليكالىق بيۋدجەتتەن 465 ملن تەڭگە قارجى بولۋگە ءوتىنىم جولداندى»، -دەيدى نۇرلان جانتوقوۆ.
ونىڭ ايتۋىنشا، جىلىوي اۋدانىنىڭ اۋماعىنداعى گيدروگەولوگيالىق ۇڭعىمالاردى جويۋ وزەكتى ماسەلەگە اينالعان.
«ويتكەنى، بۇل جاعداي جەراستى سۋلارىنىڭ حالىق يگىلىگىنە پايدالانىلماي، بوسقا اعىپ كەتۋىنە، كولەمىنىڭ ازايۋىنا اكەلىپ سوعۋى مۇمكىن. ونىڭ ۇستىنە اتالعان اۋداندا سۋ كوزدەرىنىڭ تاپشىلىعى بايقالادى. وسىعان بايلانىستى جەراستى سۋ كوزدەرىن ءتيىمدى پايدالانۋ ماسەلەسىن شەشۋ قاجەتتىگى تۋىنداپ وتىر. جالپى، اتىراۋ وبلىسىن الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان كەشەندى جوسپارىنا ەكولوگيالىق ماسەلەلەر بويىنشا 22 ءىس-شارا ەنگىزىلدى»، -دەيدى نۇرلان جانتوقوۆ.