اتىراۋ وبلىسىنىڭ پوليسياسى قىزىلقوعا اۋدانىندا بۇرىن حابار-وشارسىز كەتكەن ەرلى-زايىپتىنىڭ مايىتتەرى تابىلعانىن راستادى، دەپ حابارلايدى Aqshamnews.kz ءتىلشىسى.
پوليسيا مالىمەتىنشە، 1959 جىلى تۋعان ماقسوت قارابالين مەن 1961 جىلى تۋعان جۇبايى ناسيپا وتەشقالييەۆانىڭ دەنەلەرى انىقتالعان. قازىرگى تاڭدا وقيعا ورنىندا قۇقىق قورعاۋ ورگاندارى مەن جەدەل قىزمەت وكىلدەرى تەرگەۋ جۇمىستارىن جۇرگىزىپ جاتىر.
اتالعان دەرەك بويىنشا قىلمىستىق كودەكستىڭ «ادام ءولتىرۋ» بابى بويىنشا ءىس قوزعالدى. كۇدىكتىلەردىڭ جەكە باسى انىقتالىپ، ولاردى ۇستاۋ باعىتىندا ءتيىستى شارالار قابىلدانۋدا.
جەرگىلىكتى باسىلىمدار ەرلى-زايىپتىلاردىڭ مايىتتەرى شارۋاشىلىققا ارنالعان قۇرىلىس اۋلاسىندا كومىلگەن بولۋى مۇمكىن ەكەنىن جازعان. الايدا بۇل اقپاراتتى قۇزىرلى ورگاندار ازىرگە رەسمي تۇردە راستاعان جوق.
سونىمەن قاتار، قازىرگى ۋاقىتتا جوعالعان وتباسىنىڭ تاعى ەكى مۇشەسى – 1990 جىلى تۋعان مەيرامگۇل قارابالينا مەن 1993 جىلى تۋعان ناۋرىز مۇقانعالييەۆتى ىزدەۋ جۇمىستارى جالعاسىپ جاتىر.
پوليسيا ازاماتتاردى تەك رەسمي اقپاراتقا عانا سۇيەنىپ، الەۋمەتتىك جەلىلەردە راستالماعان مالىمەتتەردى تاراتپاۋعا شاقىردى.
ەسكە سالايىق، 25 جەلتوقساندا اتىراۋ قالاسىنىڭ تۇرعىنى پوليسياعا ارىز ءتۇسىرىپ، اعاسى مەن ونىڭ وتباسى مۇشەلەرىنىڭ ءبىر ايدان استام ۋاقىت بويى حابارسىز كەتكەنىن حابارلاعان. وسىعان بايلانىستى 5 جەلتوقساندا قىلمىستىق ءىس تىركەلىپ، تەرگەۋ باستالعان بولاتىن.