اتىراۋ وبلىسىندا سوت جەرگىلىكتى تۇرعىنعا قاتىستى قىلمىستىق ءىستى قاراپ، ونى 7 جاسار قىزدى زورلاپ، ادەيى ولتىرگەنى ءۇشىن ايىپتى دەپ تانىپ، ءومىر بويىنا باس بوستاندىعىنان ايىرۋ جازاسىن تاعايىندادى، دەپ حابارلايدى Aqshamnews.kz ءتىلشىسى سوتتىڭ باسپا ءسوز قىزمەتىنە سىلتەمە جاساپ.
قىلمىس 2025 جىلدىڭ ماۋسىمىندا قۇلسارى قالاسىندا بولعان. سوت انىقتاماسىنا سايكەس، وزەن جاعالاۋىندا سەرۋەندەپ جۇرگەن 7 جاستاعى قىز ۇيىنە قايتار جولدا اداسىپ، ماس كۇيدەگى بەيتانىس ەر ادامعا جولىققان. كۇدىكتى «جول كورسەتەمىن» دەپ الداپ، بالانى وزەن جاعاسىنا اپارىپ، ونىڭ دارمەنسىزدىگىن پايدالانىپ، زورلىق كورسەتكەن. قىلمىستى جاسىرۋ ءۇشىن ول بالانى ۇرىپ، كەيىن سۋعا باتىرىپ جىبەرگەن.
كىنا دالەلدەرىن كۋاگەرلەردىڭ ايعاقتارى، وقيعا ورنىن قاراۋ حاتتاماسى، بەينەجازبالار جانە ساراپتامالار قورىتىندىلارى راستادى. ۆيدەوجازبالاردىڭ بىرىندە ەر ادامنىڭ بالانى ەرتىپ كەتىپ بارا جاتقانى كورىنەدى.