ينەمەن پەچەنەدەگى بەينەنى كەسۋ قاجەت
Netflix تاريحىندا رەكوردتى قارالىمعا يە بولعان «كالمار ويىنى» ماسكەۋگە جەتتى، دەپ حابارلايدى Almaty-akshamy.kz حابار 24-كە سىلتەمە جاساپ.
رەسەي استاناسىنداعى كورەي ءدامحاناسى كەلۋشىلەرگە ۋەب-سەريالداعى كەيىپكەرلەردىڭ ىس-ارەكەتىن قايتالاۋدى ۇسىنادى. ماسەلەن، ينەنىڭ ۇشىمەن پەچەنەدەگى بەينەنى قالعان بولىگىن بۇزباي كەسىپ الۋ مىندەتى جۇكتەلەدى.
تاپسىرمانىڭ ورىندالۋىن قىزعىلت كيىم كيگەن قاراقشىلار باقىلاپ تۇرادى. ورىنداي الماعان قوناقتار اششى بۇرىش جەۋى كەرەك.
«مەنىڭ مىندەتىم – ويناپ وتىرعان ادامداردى قاداعالاۋ. جەڭىلگەن جاعدايدا ولار جازاعا تارتىلادى. تاپسىرماعا بار-جوعى 10 مينۋت قانا بەرىلەدى. جەڭىسكە جەتكەندەر تاتتىگە يە بولادى»،-دەيدى ءدامحانا قىزمەتكەرى نۋسليما.
وڭتۇستىك كورەيانىڭ «كالمار ويىنى» ۋەب-سەريالىن 1 ايعا جەتپەيتىن ۋاقىتتا 111 ميلليوننان استام ادام كورگەن. Netflix بۇل كارتينانى ءارى قاراي ءتۇسىرۋ ءۇشىن 500 ميلليون دوللار بولەتىنىن حابارلادى.