مۇحتار جاكىشيەۆ، قازاقستاندىق كاسىپكەر جانە "قازاتومونەركاسىپتىڭ" بۇرىنعى باسشىسى
قازاقستاندا اتوم ەلەكتر ستانسياسى (اەس) سالۋ ماسەلەسى بۇكىلحالىقتىق رەفەرەندۋمدا شەشىلەتىن بولادى. ال ءقازىر ساراپشىلار اراسىندا بۇل تاقىرىپ بويىنشا ءتۇرلى پىكىرلەر ايتىلۋدا. وسى تالقىلاۋدان شەت قالماعانداردىڭ ءبىرى – «پاراسات بيزنەس كلۋبىنىڭ» نەگىزىن قالاۋشىلاردىڭ ءبىرى، «قازاتومپروم» ۇلتتىق كومپانياسىنىڭ بۇرىنعى باسشىسى مۇحتار جاكىشيەۆ.
...جىلۋ ستانسياسىندا كومىر جانىپ، ناتيجەسىندە پايدا بولعان كۇل بار، بۇل تولىق جانباعان زاتتاردىڭ كۆينتەسسەنسياسى. كومىردە دە زياندى زاتتار جەتكىلىكتى مولشەردە بولادى، جانە بۇل زياندى زاتتار كۇلدە قالادى.
ارينە، كومىر ستانسياسىنىڭ قالدىقتارىن اتوم ستانسياسىمەن سالىستىرۋعا بولمايدى.
ەگەر اتوم ستانسياسىنان شىققان قالدىق بىرنەشە بوشكەگە عانا سىيسا، ال كومىر ستانسياسىنىڭ قالدىقتارى ميلليونداعان گەكتاردى الىپ جاتادى.
مىسالى، فرانسيانى الىپ قاراڭىز. اتوم ستانسياسى ماڭىندا ءجۇزىم ءوسىپ جاتىر. ولاردا رادياسيا ماسەلەسى جوق.
اتوم نىساندارىن سالۋعا كەلسەك، بۇل ماسەلەگە قاتتى الاڭداماۋعا بولادى. سەبەبى ولار حالىقارالىق باقىلاۋدا بولادى. بۇل جەردە سىبايلاس جەمقورلىققا جول بەرىلمەيدى. ويتكەنى قۇرىلىستى قازاقستان شەنەۋنىكتەرىنەن بولەك، حالىقارالىق ماگاتە سياقتى ۇيىمداردار باقىلايدى.
بۇل جەردە پارا بەرۋ ارقىلى ماسەلەنى شەشە المايسىز، ويتكەنى بۇل يادرولىق قاۋىپسىزدىك ماسەلەسى. حالىقارالىق ۇيىمدار ونى باقىلايدى، سوندىقتان مۇندا زاڭسىز ارەكەتتەر جاساۋ وتە قيىن.
باسقا جوبالاردا، مىسالى، تەمىرجول جوبالارىندا، حالىقارالىق باقىلاۋ بولماعان جەرلەردە ۇرلاۋ وڭايىراق. ءبىراق بۇل جاعدايدا بارلىق ينۆەستيسيالىق جوبالاردىڭ ىشىندەگى ەڭ قيىن ۇرلاناتىن جوبا – يادرولىق جوبا.