الماتى قالاسىنىڭ اكىمدىگى 5 قىركۇيەك – قازاقستان حالقى تىلدەرى كۇنى مەن احمەت بايتۇرسىن ۇلىنىڭ تۋعان كۇنىنە وراي «انا ءتىلىم – ارداعىم» اتتى مەرەكەلىك ءىس-شارا وتكىزەدى.
ساعات 17:00-دە ورتالىق دەمالىس ساياباعىندا باستالاتىن مەرەكەگە اقىندار مەن جازۋشىلار، ونەر قايراتكەرلەرى، ەڭبەك ارداگەرلەرى، ساياسي پارتيالار مەن ۇكىمەتتىك ەمەس ۇيىمداردىڭ وكىلدەرى، قالا تۇرعىندارى مەن قوناقتارى، ستۋدەنتتەر مەن وقۋشىلار قاتىسادى.
جاستار قازاق ءتىلى، ۇلتتىق ونەر، ادەبيەت جانە احمەت بايتۇرسىن ۇلىنىڭ ءومىرى تۋرالى ۆيكتوريناعا قاتىسىپ، دۇرىس جاۋاپ بەرگەندەر سىيلىقتار الادى. سونداي-اق جينالعان قاۋىم الدىندا تانىمال ارتيستەر ونەر كورسەتەدى، مەرەكە جاستاردىڭ بي كەشىمەن اياقتالادى.
سونىمەن قاتار، قالانىڭ ءبىرقاتار اۋدانىندا ءتۇرلى ءىس-شارا وتەدى: 3 قىركۇيەكتە تۇركسىب اۋدانىندا احمەت بايتۇرسىن ۇلىنىڭ تۋعان كۇنى مەن قازاقستان حالقى تىلدەرى كۇنىنە ارنالعان دوڭگەلەك ۇستەل وتەدى.
- 5 قىركۇيەك ساعات 10:00-دە المالى اۋدانىندا ا. بايتۇرسىن ۇلى ەسكەرتكىشىنە گۇل شوقتارى قويىلادى، ال 10:30-دا بايتۇرسىن ۇلى ءومىر سۇرگەن مۋزەي-ۇيدە رەسپۋبليكالىق كونفەرەنسيا ۇيىمداستىرىلادى.
- 5 قىركۇيەك ساعات 11:00-دە اۋەزوۆ اۋدانىنىڭ اكىمى اپپاراتى قازاق جازۋشىلارى كىتاپحاناسىندا وقۋشىلار اراسىندا «ءتىل – دوستىقتىڭ كىلتى، ىنتىماقتاستىقتىڭ باستاۋى» اتتى فەستيۆال وتكىزەدى (11-شاعىن اۋدان، 37ء-ۇي).
- 5 قىركۇيەك ساعات 11:00-دە ناۋرىزباي اۋدانىندا قازاقستان حالقى تىلدەرى كۇنىنە ارنالعان «ءتىل – قازىنا كىلتى» تاقىرىبىندا زيالى قاۋىم وكىلدەرىنىڭ قاتىسۋىمەن دوڭگەلەك ۇستەل وتەدى («شۇعىلا» شاعىن اۋدانى، 343/7).
ەلىمىزدە 2018 جىلدان باستاپ قازاق ءتىل ءبىلىمى مەن ادەبيەتتانۋدىڭ نەگىزىن قالاۋشى، ۇلت ۇستازى احمەت بايتۇرسىن ۇلىنىڭ تۋعان كۇنىنە وراي قازاقستان حالقى تىلدەرى كۇنى اتالىپ وتەدى.