ءماجىلىس دەپۋتاتى، «AMANAT» پارتياسى فراكسياسى جەتەكشىسىنىڭ ورىنباسارى پاۆەل كازانسيەۆ كوكشەتاۋداعى «نوۆوپەك» ج ش س پوليمەردەن جۇمساق قاپتاما ءوندىرۋ زاۋىتىنىڭ ۇجىمىمەن كەزدەسۋدە اتوم ەنەرگەتيكاسىنىڭ ماڭىزدىلىعى تۋرالى پىكىرىن ءبىلدىردى.
پاۆەل كازانسيەۆ: - ءبىز تاعدىرشەشتى سۇراقتار شەشىلەتىن داۋىردە ءومىر ءسۇرىپ جاتىرمىز. اتوم ەنەرگەتيكاسى ماسەلەسى — سولاردىڭ ءبىرى. قازىرگى ۋاقىتتا ەلىمىزدىڭ وڭتۇستىك ايماقتارىندا ەلەكتر ەنەرگياسىنىڭ تاپشىلىعى پايدا بولدى. وڭتۇستىكتە گيدروەنەرگەتيكانى قامتاماسىز ەتەتىن قۋاتتى وزەندەر دە، كومىر كەن ورىندارى دا جوق. بۇل جاعداي اەس قۇرىلىسىن جالعىز دۇرىس شەشىمگە اينالدىرادى.
كۇن جانە جەل ەنەرگياسى بۇگىندە قولدانىستا، ءبىراق ولاردىڭ تۇراقتىلىعى تومەن — بۇگىن كۇن اشىق بولسا، ەرتەڭ بۇلت تورلاۋى مۇمكىن. ال اتوم ەنەرگەتيكاسى، باسقا ەنەرگيا كوزدەرىنەن ايىرماشىلىعى، ۇزاق جىلدارعا تۇراقتى جانە قۋاتتى ەنەرگيامەن قامتاماسىز ەتە الادى. بۇل شەشىم — تەك قاجەتتى عانا ەمەس، بولاشاقتا ميلليونداعان ادامداردىڭ جارقىن ءومىرىن قامتاماسىز ەتەمىز دەسەك، ءسوزسىز قابىلدانۋى ءتيىس شەشىم.
اتوم ەنەرگەتيكاسى — ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋدەگى ستراتەگيالىق قادام. ونى ىسكە اسىرۋ — تۇراقتى جانە قۋاتتى ەنەرگيا كوزىنە قول جەتكىزۋدىڭ ەڭ ءتيىمدى جولى.