قازىرگى ۋاقىتتا ەلىمىزدىڭ ەنەرگەتيكالىق قاجەتتىلىگىن شامامەن 70%-عا قامتاماسىز ەتەتىن كومىر ەلەكتر ستانسيالارىنا تاۋەلدىلىكتى ازايتۋ – باستى ماقساتتاردىڭ ءبىرى.
اتوم ەلەكتر ستانسياسىن سالۋ وسى باعىتتاعى ماڭىزدى قادام بولىپ تابىلادى. اتوم ەلەكتر ستانسياسى كومىرقىشقىل گازى مەن باسقا دا لاستاۋشى زاتتاردىڭ شىعارىندىسىن ازايتۋ ارقىلى قورشاعان ورتاعا زياندى اسەردى تومەندەتەدى جانە كليماتتىڭ وزگەرۋىنە قارسى كۇرەستە ماڭىزدى ۇلەس قوسادى.
قازىرگى تاڭدا حالىقارالىق ستاندارتتارعا تولىق سايكەس كەلەتىن، قاۋىپسىزدىكتىڭ ەڭ جوعارى دەڭگەيىندەگى جاڭا اتوم ەلەكتر ستانسياسىن سالۋ ماسەلەسى قاراستىرىلىپ وتىر.
بۇل ستانسيالار كەز كەلگەن توتەنشە جاعدايدا ادامدار مەن قورشاعان ورتانى قورعاۋعا باستى نازار اۋدارىپ، ارنايى جوبالانعان.