ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 137،3 مىڭ بالاعا قوسىمشا تولەم تاعايىندالدى.
1 ساۋىردەگى جاعداي بويىنشا 87 مىڭ وتباسىنداعى 456،7 مىڭ ادامعا اتاۋلى الەۋمەتتىك كومەك تاعايىندالدى، دەپ حابارلايدى Almaty-akshamy.kz ەڭبەك جانە الەۋمەتتىك قورعاۋ مينيسترلىگىنە سىلتەمە جاساپ.
بيىل وسى ماقساتتارعا بيۋدجەتتەن 73،9 ملرد تەڭگە ءبولىندى.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
وسى جىلدىڭ 1 قاڭتارىنان باستاپ بەرىلگەن كەپىلدەندىرىلگەن الەۋمەتتىك توپتاما كومەكتىڭ تابيعي نىسانىنان، مونەتيزاسيالاۋ فورماتىنا قوسىمشا تولەم تۇرىنە 1 جاستان 6 جاسقا دەيىنگى بالالاردى قوسا العاندا 1،5 اەك مولشەرىنە (2023 جىل – 5175 تەڭگە) اۋىستىرىلدى.
2023 جىلعى 1 ساۋىردەگى جاعداي بويىنشا، ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 137،3 مىڭ بالاعا قوسىمشا تولەم تاعايىندالدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، اۋىل وكرۋگىنىڭ اكىمىنە، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.