اتاۋلى الەۋمەتتىك كومەك جاڭا ادىسپەن تاعايىندالادى

سەبەبى زاڭ بۇزۋ فاكتىلەرى انىقتالعان.

اتاۋلى الەۋمەتتىك كومەك تاعايىنداۋ كەزىندە زاڭ بۇزۋ فاكتىلەرىن بولدىرماۋ ءۇشىن، بۇكىل پروسەسس ورتالىقتاندىرىلعان فورماتقا اۋىستىرىلادى. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ۆەدومستۆونىڭ كەڭەيتىلگەن القا ماجىلىسىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

سەرىك شاپكەنوۆتىڭ مالىمەتىنە سۇيەنسەك، 2021 جىلدىڭ قورىتىندىسى بويىنشا، 198،4 مىڭ وتباسىنا اتاۋلى الەۋمەتتىك كومەك تاعايىندالعان. بۇل 2020 جىلدىڭ كورسەتكىشىنەن 7،4% جوعارى. 

«اتاۋلى الەۋمەتتىك كومەك الاتىن وتباسىلاردان شىققان 517،2 مىڭ بالاعا كەپىلدىك بەرىلگەن الەۋمەتتىك توپتاما بەرىلدى. ونىڭ ىشىندە 259،4 مىڭ مەكتەپ جاسىنا دەيىنگى بالا، 257،8 مىڭ مەكتەپ جاسىنداعى بالا بار. كەپىلدىك بەرىلگەن الەۋمەتتىك توپتاما تولەۋگە 20،5 ملرد تەڭگە قاراستىرىلعان. ااك الۋشىلار سانىنىڭ وسۋىنە بايلانىستى 2021 جىلى مينيسترلىك قىزمەتكەرلەرى ااك تاعايىنداۋعا كوشپەلى مونيتورينگ جۇرگىزدى. ونىڭ قورىتىندىسى بويىنشا، جەكەلەگەن وڭىرلەردە زاڭ بۇزۋ فاكتىلەرى انىقتالدى. بۇل كومەك الۋشىلاردىڭ وسۋىنە اكەلدى. مىسالى، شىمكەنتتە 2021 جىلدىڭ قورىتىندىسى بويىنشا ااك الۋشىلار سانى 28،5%-عا ءوستى»، - دەدى ۆەدومستۆو باسشىسى. 

ونىڭ ايتۋىنشا، مۇنداي فاكتىلەر قايتالانباۋى كەرەك. 

«ول ءۇشىن بيىل تولەمدەردى ااك تەتىگىنىڭ اشىقتىعىن قامتاماسىز ەتەتىن «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى ورتالىقتاندىرۋ جۇمىستارى باستالدى»، – دەدى سەرىك شاپكەنوۆ.