قالا تۇرعىنى بۇل اۋماقتىڭ قاراۋسىز جاتقانىن ايتتى.
بۇل ماسەلەگە بۇگىن بوستاندىق اۋدانىنىڭ تۇرعىندارىمەن كەزدەسكەن قالا باسشىسى ەربولات دوسايەۆ توقتالىپ ءوتتى، دەپ حابارلايدى Almaty-akshamy.kz
اۋدان تۇرعىنىنىڭ سۇراعى:
«اتاكەنت» اۋماعى قاراۋسىز قالعان، توعاندار كوبىكتەنىپ كەتكەن. اينالاداعى جاسىل جەلەكتەر قۋراپ بارادى. كوگالداندىرۋ جاعدايىنا تۇسىنىكتەمە بەرسەڭىز».
"اتاكەنت" ماسەلەسى بويىنشا بەلگىلى ءبىر ۋاقىت يەسىز قالعان جەرلەرىمىزدى كوممۋنالدىق مەنشىككە قابىلدادىق. "اتاكەنتتىڭ" ءوزىن قالپىنا كەلتىرۋگە، قوسىمشا اباتتاندىرۋعا جەكە جوبا دايىندالۋدا. كەلەسى جىلدان باستاپ ءبىز بۇل اۋماقتى جاڭعىرتۋ مەن قايتا قۇرۋدى باستايمىز"، - دەدى الماتىنىڭ اكىمى.