زاڭعا وزگەرىستەر مەن تولىقتىرۋلار بيىل كۇزدە قابىلدانادى.
مەگەپوليس باسشىسى ەربولات دوسايەۆ قالادا ەلەكترساموكاتتاردى پايدالانۋ ماسەلەسىنە قاتىستى پىكىر ءبىلدىردى، دەپ حابارلايدى Almaty-akshamy.kz
بوستاندىق اۋدانىنىڭ تۇرعىندارى اكىممەن كەزدەسۋ كەزىندە جاياۋ جۇرگىنشىلەر جولىندا ساموكاتپەن قاتتى جۇرەتىندەرگە شاعىمداندى.
«قالادا ساموكاتتارعا قاتىستى شەشىم قابىلداندى، ازدى-كوپتى تارتىپكە كەلتىرۋگە كىرىستىك. ءبىراق زاڭنىڭ قابىلدانۋىن كۇتىپ وتىرمىز، زاڭعا وزگەرىستەر مەن تولىقتىرۋلار بيىل كۇزدە قابىلدانادى. قالا دەڭگەيىندە مەردىگەرلەرمەن مەموراندۋمعا قول قويدىق، ولار ءقازىردىڭ وزىندە ساياباق اۋماقتارىنان شىقتى. ءقازىر وسى ءۇش ءىرى وپەراتورعا ارنايى اۆتوتۇراقتاردى قاراستىرىپ جاتىرمىز. بۇل - ساموكات مىنەتىندەرگە شەكتەۋلەر. ءتارتىپ بۇزۋشىلار – وسى ەرەجەلەردى ساقتامايتىن قالانىڭ جاس تۇرعىندارى. مەموراندۋم اياسىندا تامىزدىڭ اياعىنا دەيىن ءتارتىپ الدەقايدا جاقسارادى دەپ سەنەمىز. ءبىراق زاڭ كەرەك. زاڭ شىققانشا بۇل ماسەلەنى قالامىزدىڭ ىشكى شەشىمدەرىمەن قاراستىرامىز»، - دەدى دوسايەۆ.
قالالىق موبيلدىلىك باسقارماسى باسشىسى عاني مىرزاحانوۆتىڭ ايتۋىنشا، الماتىدا ورتاق سەرىكتەستىكتەردىڭ ەلەكتروساموكاتتارىنا ءقازىردىڭ وزىندە شەكتەۋ قويىلعان.
«جىلدامدىق بويىنشا - ساعاتىنا 25 شاقىرىم. بۇل ساموكات تەبۋدى ەندى ۇيرەنىپ جۇرگەندەرگە. ال ساموكات تەبۋدى ۇيرەنبەگەندەرگە ساعاتىنا شامامەن 20 شاقىرىم بولادى»، - دەدى مىرزاحانوۆ.