الماتى قالاسىنىڭ قاج دەپارتامەنتىنە قاراستى №11 مەكەمەدە كونستيتۋسيا كۇنىنە ارنالعان «اتا زاڭىم ايالايدى ەلىمدى» اتتى مادەني ءىس-شارا ءوتتى.
ءىس-شارانى بالالار كولونياسىنىڭ وكىلدەرى جامبىل اتىنداعى قالالىق جاسوسپىرىمدەر كىتاپحاناسىنىڭ قىزمەتكەرلەرى سانجار سەيسەنبايەۆ جانە ايدا نۇرحانوۆامەن بىرلەسىپ وتكىزدى.
— ماقسات - باس بوستاندىعىنان ايىرىلعان جازالى جاسوسپىرىمدەرگە ەلىمىزدىڭ اتا زاڭى جونىندە مول ماعلۇمات بەرۋ، ولارعا زاڭ الدىنداعى جاۋاپكەرشىلىكتى سەزىنۋىنە كومەكتەسۋ، سونداي-اق، ەشتەڭە دە كەش ەمەس، ءالى دە تۇزەلۋگە مۇمكىندىك بارىن، ول ءۇشىن قوعام دا قولداۋ كورسەتۋگە قاشاندا ءازىر ەكەنىن، دەگەنمەن ادام الدىمەن ءوزى جاقسىلىققا ۇمتىلۋى قاجەتتىگىن ۇعىندىرۋ، - دەيدى مەكەمەنىڭ جاساق باستىعى، ادىلەت اعا لەيتەنانتى دامير ەركەشوۆ.
سانجار سەيسەنبايەۆ كونستيتۋسيانىڭ تاريحىنان باستاپ، بۇگىنگى بەت-بەينەسى تۋرالى تاعلىمدى بايانداما جاسادى. ال جازالى جاسوپىرىمدەر اتا زاڭ قۇرمەتىنە ولەڭ شۋماقتارىن ارنادى.
ايدا نۇرحانوۆا ەلدەر مەن جەر-سۋ تۋرالى قىزىقتى مالىمەتتەردەن قۇرالعان ۆيكتورينالىق سۇراقتار قويىپ، جاستاردىڭ ءبىلىمىن اشاتىن قىزىقتى ويىن وتكىزدى.
مەرەكەنىڭ سوڭى جامبىل اتىنداعى قالالىق جاسوسپىرىمدەر كىتاپحاناسىنىڭ قىزمەتكەرلەرى دايىنداعان «اتا زاڭىم ايالايدى ەلىمدى!» اتتى جاڭا كىتاپ كورمەسىن تاماشالاۋمەن اياقتالدى.