قازاقستاندا ۇناماعان ەسىمدى اۋىستىرۋعا بولا ما؟
بۇل قىزمەت ادامنىڭ جەكە ءوتىنىشى بويىنشا جۇرگىزىلەدى، دەپ حابارلايدى Almaty-akshamy.kz
«زاڭعا سايكەس، اتىن، اكەسىنىڭ اتىن، تەگىن اۋىستىرۋدى مەملەكەتتىك تىركەۋدى تىركەۋشى ورگاندار ون التى جاسقا تولعان جانە اتىن جانە (نەمەسە) اكەسىنىڭ اتىن، تەگىن اۋىستىرعىسى كەلەتىن ادامنىڭ جەكە ءوتىنىشى بويىنشا جۇرگىزەدى»، دەلىنگەن ادىلەت مينيسترلىگىنىڭ اقپاراتىندا.
نەكە (ەرلى - زايىپتىلىق) جانە وتباسى تۋرالى كودەكس بابىندا ەسىمىن وزگەرتۋ ءۇشىن نەگىزدەردىڭ تولىق ءتىزىمى كەلتىرىلگەن.
ەسىم:
وعاش ەستىلگەن كەزدە؛
ايتۋعا قيىندىق كەلتىرسە؛
ءوتىنىش بەرۋشى تاڭداعان اتا-انالارىنىڭ ءبىرىنىڭ ۇلتىنا (اتا-انالارىنىڭ ۇلتى ءارتۇرلى بولعان كەزدە) سايكەس كەلەتىن اتتى جانە (نەمەسە) تەكتى العىسى كەلسە؛
قۇجاتتارداعى اتىنان وزگەشە، ومىردە ناقتى قالىپتاسقان اتىن العىسى كەلسە؛
جىنىسىن حيرۋرگيالىق جولمەن وزگەرتكەن كەزدە تاڭداعان جىنىسقا سايكەس كەلەتىن اتتى، اكەسىنىڭ اتىن، تەكتى العىسى كەلۋى كەزىندە جۇرگىزىلەدى.
«قىزمەت كورسەتۋ ءتارتىبى قاعيدالارىمەن رەتتەلەدى. قۇجاتتار توپتاماسىن تاپسىرعان ساتتەن باستاپ مەملەكەتتىك قىزمەت كورسەتۋ مەرزىمى - 5 (بەس) جۇمىس كۇنى، قىزمەت اقىلى 1 932 تەڭگە»، دەپ ناقتىلادى ادىلەت مينيسترلىگى.