ۇلتتىق ويىنىمىز رەسمي سانات الاتىن دەڭگەيگە جەتتى
اسىق اتۋدان ىشكى بىرىنشىلىكتەردە توپ جارعاندار ەندى سپورت شەبەرى جانە سپورت شەبەرلىگىنە ۇمىتكەر اتانا الادى، دەپ حابارلايدى Almaty-akshamy.kz
بۇل جونىندە اسىق اتۋ فەدەراسياسىنىڭ وكىلى مارات يسلامبەكوۆ مالىمدەدى. ونىڭ ايتۋىنشا، باستاما ۇلتتىق ويىنىمىزدى جاڭعىرتۋعا جانە قاتىسۋشىلار سانىن ارتتىرۋعا تىڭ سەرپىن بەرەدى.
ءقازىر اسىق اتۋ مەكتەپ باعدارلاماسىنا قوسىلىپ، ءبىرقاتار ءبىلىم ورداسىندا ۇيرەتىلىپ ءجۇر. بۇعان قوسا، جىل سايىن تۇراقتى ۇيىمداستىرىلاتىن جارىستارى بار. ءتىپتى ءارتۇرلى دەڭگەيدەگى سپارتاكيادا مەن ۋنيۆەرسيادالارعا قوسىلعان. ال ەندى ەلوردادا «قولجەتىمدى سپورت» باعدارلاماسى اياسىندا ساياباقتاردا اسىق اتۋدان تەگىن شەبەرلىك ساعاتتارى وتكىزىلىپ جاتىر.