- تاڭمەن تالاسا سايلاۋعا جونەلدىك. ءبىز، ۇلكەن كىسىلەر، مەملەكەتىمىزدىڭ ءقادىرىن ارتتىرۋعا ىقپالداسامىز. ماعان №64 سايلاۋ ۋچاسكەسى بەلگىلەنىپتى. سوندىقتان ءبىز دە كوپشىلىكپەن بىرگە ءوز تاڭداۋىمىزدى جاسادىق.
داۋىس بەرۋ - ءجاي انشەيىن ناۋقان ەمەس. ءبىز تاڭداعان دەپۋتات حالىقتىڭ اتىنان سويلەيدى. ۇلتتىق مۇددەگە قىزمەت ەتۋى ءتيىس. مەملەكەت مۇددەسىنەن ءبىر قادام ارتىق اتتاۋىنا بولمايدى. ەل سەنگەن دەپۋتات سايلاۋالدى بەرگەن ۋادەسىن ورىندايتىنىنا سەنەمىز. سول ءۇشىن ءوزىمىز يلانعان ۇمىتكەردى تاڭدادىق.
پرەزيدەنتتىڭ باستامالارىن ءبارىمىز قولدايىق. سونىڭ ءبىرى وسى جولعى سايلاۋ ەدى. اسىرەسە، جاستار ەل سەنىمىن اقتاۋى ءتيىس، قاراقتارىم. دەپۋتاتتىڭ ءسوزى ءوتىمدى، ءىسى نىق بولۋى كەرەك. ءاربىر سايلاۋشى، قاراپايىم ادام، شەنەۋنىك قوعامنىڭ جاقسارۋىن ويلاسا، البەتتە، ىلگەرى باسامىز.