ماكس پلانك اتىنداعى يادرولىق فيزيكا ينستيتۋتىنىڭ (گەرمانيا) عالىمدارى ميكروكۆازارلاردىڭ ءالسىز اعىنىنان جاڭا ءبىر ساۋلەنىڭ كوزىن تاپتى. ولاردىڭ ەڭبەگى Astrophysical Journal Letters-كە شىقتى، دەپ حابارلايدى aqshamnews.kz
ميكروكۆازار دەگەنىمىز ەكىلىك جۇلدىزدار جۇيەسى، ولار شاعىن قاراقۇردىمنان نەمەسە نەيترون جۇلدىزدان جانە كادىمگى جۇلدىزدان تۇرادى. قايسىسىنىڭ تارتىلىسى كۇشتى بولسا، ەكىنشىسى سونىڭ اينالاسىندا قوزعالادى.
جالپى العاندا عارىش ساۋلەلەرى نەمەسە بولشەكتەرى ءبىزدىڭ پلانەتامىزعا ءاردايىم ساۋلاپ قۇيىلىپ جاتادى. جۇلدىزارالىق كەڭىستىكتەن كەلەتىن ەلەكتروندار مەن پروتوندار سەكىلدى سۋباتوم بولشەكتەر عالامدا «عارىش ساۋلەلەرى» دەپ اتالادى. ول ساۋلەلەر قايدان شىقتى، جەرگە قالاي جەتەدى – بۇنىڭ ءبارى استروفيزيكتەرگە جۇمباق. عالام تولى قۇپيا عوي، راسىندا.