پرەزيدەنت قاسىم-جومارت توقايەۆ ەلوردانىڭ 25 جىلدىق مەرەيتويىنا وراي ۇيىمداستىرىلعان استانانىڭ باۋىرلاس قالالارى فورۋمىنا قاتىسىپ جاتىر.
فورۋمنىڭ تاقىرىبى - «استانانىڭ 25 جىلدىعى. جاڭا پەرسپەكتيۆالار. جاڭا مۇمكىندىكتەر». ونىڭ اياسىندا قالالاردى دامىتۋدىڭ وزەكتى ماسەلەلەرىن جانە ولاردىڭ قازىرگى جاھاندىق الەمدەگى ءوسۋى مەن يننوۆاسيانىڭ باستى ورتالىقتارى رەتىندەگى ءرولى تالقىلانادى، دەپ حابارلايدى Almaty-akshamy.kz.
فورۋمنىڭ ىسكەرلىك باعدارلاماسى اياسىندا ءتۇرلى سالالار بويىنشا وتكىزىلەتىن 8 پانەلدىك سەسسيانىڭ ۇيىمداستىرىلۋى جوسپارلانعان:
1) قالالاردى سيفرلىق ترانسفورماسيالاۋ: يننوۆاسيالىق جوبالار، باعدارلامالار جانە تەحنولوگيالار؛
2) قالالارعا ينۆەستيسيالار ەكونوميكانىڭ ءوسۋىنىڭ نەگىزگى درايۆەرى رەتىندە؛
3) بولاشاققا باعىتتالعان قالا قۇرىلىسى؛
4) مەديسينالىق ءتۋريزمنىڭ الەمدىك نارىعى: پروبلەمالار مەن ءوسۋ درايۆەرلەرى؛
5) استانا – مەديسينالىق تۋريزم كارتاسىندا؛
6) بولاشاق باعدارلاماسىنىڭ 30 جىلدىعى: استانانىڭ ادامي كاپيتالىنا جانە ەڭبەك رەسۋرستارىن دامىتۋعا قوسقان ۇلەسى؛
7) FUTURE SMART megacities حالىقارالىق عىلىمي-پراكتيكالىق سيمپوزيۋمى؛
8) ورتاعاسىرلىق ەۋرازيانىڭ ۋربانيزاسيالانعان كەڭىستىكتەرىنىڭ تاريحىنداعى بوزوق - حالىقارالىق عىلىمي-پراكتيكالىق كونفەرەنسياسى.
حالىقارالىق سەسسيالارعا باۋىرلاس قالالار مەرلەرى، الەمنىڭ 15 ەلىنەن بەدەلدى ساراپشىلار، الەمدىك بيزنەس كوشباسشىلارى، قارجى ينستيتۋتتارىنىڭ ماماندارى، مەملەكەتتىك جانە عىلىم قايراتكەرلەرى، ۇكىمەتتىك ەمەس جانە حالىقارالىق ۇيىمداردىڭ، جەرگىلىكتى جانە شەتەلدىك ب ا ق وكىلدەرى قاتىسىپ جاتىر.
ءىس-شاراعا اقش، ۇلىبريتانيا، گەرمانيا، يتاليا، يزرايل، تۇركيا، پولشا، ءۇندىستان رەسەي، قىرعىزستان، وزبەكستان، جاپونيا، ازەربايجان، وڭتۇستىك كورەيا ەلدەرىنەن قاتىسۋشىلار كەلدى.
فورۋم قورىتىندىسىمەن ءبىرقاتار حالىقارالىق كەلىسىمدەرگە قول قويۋ جوسپارلانعان.