استانالىق كەلىنشەك ۇشەم بوساندى

بۇعان دەيىن ول ەگىز بالا تۋعان.

سابيلەردىڭ اناسى اجار قابيتوۆا جۇبايىمەن بىرگە 2020 جىلى دۇنيەگە كەلگەن قىزدارى مەن 2022 جىلى تۋعان ەگىز بالالارىن تاربيەلەپ وتىر، دەپ حابارلايدى Almaty-akshamy.kz

سابيلەرىنىڭ ءبارى – ۇلدار. بالالاردىڭ سالماعى – 3 مىڭ، 2 300 جانە 2 500 گرامم

18 قاڭتاردا استانادا بيىلدىققا العاشقى ۇشەم دۇنيەگە كەلدى. ۇشەمدى وسىعان دەيىن ەگىز بالا تۋعان كەلىنشەك بوساندى. سابيلەر №2 قالالىق كوپسالالى اۋرۋحانانىڭ اكۋشەرلىك بلوگىندا دۇنيەگە كەلدى، دەپ حابارلادى قالا اكىمدىگىنىڭ رەسمي سايتى.

جاس انا جۇكتىلىكتىڭ 34-اپتاسىندا بوساندى. سابيلەرىنىڭ ءبارى – ۇلدار. بالالاردىڭ سالماعى – 3 مىڭ، 2 300 جانە 2 500 گرامم.

جاڭا تۋعان نارەستەلەر ءبىر اپتاعا جۋىق ۋاقىتتان بەرى №2 قالالىق كوپسالالى اۋرۋحانادا جاتىر.

دارىگەرلەردىڭ ايتۋىنشا، بالالاردىڭ دەنساۋلىعى جاقسى، ازداپ سالماق قوسىپ كەلەدى. ۇدايى دارىگەرلەردىڭ باقىلاۋىندا. 24 قاڭتاردا ۇيلەرىنە شىعارىلادى.

سابيلەرىن دۇنيەگە اكەلۋىنە كومەكتەسكەنى ءۇشىن اجار ءوزىنىڭ Instagram اككاۋنتىندا دارىگەرلەر مەن مەديسينا قىزمەتكەرلەرىنە العىسىن ءبىلدىردى.

استانا قالاسىنداعى №2 قالالىق كوپسالالى اۋرۋحانانىڭ مەديسينالىق پەرسونالى مەن اكۋشەرلىك بلوك دارىگەرلەرىنە، اتاپ ايتقاندا، اردانا ايداربەك قىزى مەن ۆەنەرا ۋساينقىزىنا العىسىمدى بىلدىرەمىن، – دەدى ول.