8 تامىزدا استانا قالاسىندا ورىن العان قاتتى بۇرشاق سالدارىنان اۆتوكولىك يەلەرىنە كەلتىرىلگەن جالپى ماتەريالدىق شىعىن 4،5 ميلليارد تەڭگەدەن اسىپ كەتۋى مۇمكىن. «ەۆرازيا» ساقتاندىرۋ كومپانياسىنىڭ ماماندارى وسىنداي ەسەپ جۇرگىزدى. سونىمەن قاتار، زارداپ شەككەن اۆتوكولىكتەر سانى دا 8 مىڭعا جەتتى، دەپ حابارلايدى aqshamnews.kz.
جاڭارتىلعان مالىمەتتەرگە سايكەس، بۇرشاقتان زارداپ شەككەن كولىكتەردىڭ سانى باستاپقىدا 5 مىڭ بولسا، كەيىننەن 8 مىڭعا جەتكەن. ونىڭ ىشىندە، تەك 10% نەمەسە 800 كولىك كاسكو ەرىكتى اۆتوساقتاندىرۋىمەن ساقتاندىرىلعان. دەمەك، بۇل كومپانيا بۇرشاق سالدارىنان كەلگەن شىعىنداردى دا وتەيدى.
«وتكەن اپتانىڭ باسىندا كاسكو شارتتارى بويىنشا ساقتاندىرىلعان اۆتوكولىك يەلەرىنىڭ وتىنىشتەرى كۇرت ءوستى. كولىكتى نەسيەگە ساتىپ العان كوپتەگەن جۇرگىزۋشىلەر وزدەرىنىڭ ساقتاندىرۋلارى بۇرشاقتان كەلگەن شىعىنداردى وتەيتىنىن بىلمەگەن»، – دەپ ءتۇسىندىردى «ەۆرازيا» ساقتاندىرۋ كومپانياسىنىڭ باسپا ءسوز قىزمەتى.
ساقتاندىرىلعان كولىكتەرگە كەلتىرىلگەن ورتاشا شىعىن شامامەن 1 ميلليون تەڭگەنى قۇرايدى.