5 كۇنگە سوزىلعان 500 شاقىرىمدىق جورىقتا مارە سىزىعىنا قاباردين-بالقار كومانداسى (ۋاقىت: 27:58:23) ءبىرىنشى بولىپ جەتتى، دەپ حابارلايدى aqshamnews.kz. ونىڭ ارتىنشا الماتى قالاسىنىڭ قۇراماسى (ۋاقىت: 28:04:40) كەلدى، ال ءۇشىنشى ورىنعا اقتوبە وبلىسىنىڭ كومانداسى (ۋاقىت: 28:26:57) تۇراقتادى. ءتورتىنشى ورىن جەتىسۋ وبلىسىنىڭ سپورتشىلارىنا (ۋاقىت: 29:39:20)، ال بەسىنشى ورىن ماڭعىستاۋ وبلىسىنىڭ (29:43:40) قىزداردان قۇرالعان كومانداسىنا بۇيىردى.
ەسكە سالساق، «JORYQ» رەسپۋبليكالىق فەدەراسياسى ق ر ۇلتتىق سپورت تۇرلەرى قاۋىمداستىعىنىڭ قۇرامىنا كىرەدى. سونداي-اق قاۋىمداستىق قۇرامىندا بايگە، كوكپار، اۋدارىسپاق، ساداق اتۋ، جامبى اتۋ، تەڭگە ءىلۋ، قۇسبەگىلىك، اسىق اتۋ جانە ت.ب. فەدەراسيالار بار. ال ق ر ۇلتتىق سپورت تۇرلەرى قاۋىمداستىعىن يسلامبەك سالجانوۆ باسقارادى.