ەرتەڭ، 16 مامىردا، استانادا EXPO حالىقارالىق كورمە ورتالىعىندا وتاندىق وندىرۋشىلەردىڭ جىلسايىنعى VIII «Ulttyq ónim» كورمەسى باستالادى، دەپ حابارلايدى aqshamnews.kz
ءىس-شارا 18 مامىرعا دەيىن جالعاسادى. قازاقستاننىڭ بارلىق وڭىرىنەن 350 ءوندىرۋشى ءوز ءونىمىن ۇسىنادى. ەلوردا تۇرعىندارى مەن قوناقتارى قازاقستاندا ۇكىمەتتىڭ قولداۋىمەن «دامۋ» قورىنىڭ باعدارلامالارى ارقىلى وندىرىلگەن تاۋارلاردىڭ الۋان تۇرىمەن تانىسىپ، ساتىپ الا الادى.
كورمەدە تاماق، جەڭىل، حيميا ونەركاسىبىنەن باستاپ، ماشينا جاساۋ، جابدىق، زەرگەرلىك بۇيىمعا دەيىنگى ءتۇرلى ءونىم ۇسىنىلادى. ولاردىڭ ىشىندە «گورمولزاۆود» تانىمال برەندى، «اq Dam» ۇلتتىق ءتاتتىسى، Galamilk، Altay Outwear بەلسەندى دەمالىس پەن تۋريزمگە ارنالعان كيىم مەن جابدىق، «Balausa Jewelry» زەرگەرلىك بۇيىمى، «قاينار اكب» ج ش س اككۋمۋلياتورلىق باتارەيا ءوندىرۋشى، تولىقتاي قازاقستاندىق برەندپەن ازىرلەنىپ، جينالعان العاشقى يرريگاسيالىق ماشينا ءوندىرۋشى «Su bereke»، «اۆرورا» دەزينفەكسيالىق، كوسمەتيكالىق جانە جۋعىش زاتتاردى ازىرلەۋ مەن ءوندىرۋ كوشباسشىسى، «Almaty Turmystyq Tehnika zavody» ج ش س تۇرمىستىق تەحنيكا ءوندىرۋ زاۋىتى جانە تاعى باسقالار بار.
سونىمەن قاتار، «Ulttyq ónim» شەڭبەرىندە وتاندىق كاسىپكەرلىكتى دامىتۋ ماسەلەسىنە ارنالعان پانەلدىك سەسسيالار وتەدى. ولارعا جەتەكشى قازاقستاندىق جانە حالىقارالىق سپيكەرلەر قاتىسادى. قاتىسۋشىلار قازاقستانداعى بيزنەس ءۇشىن وزەكتى ترەندتەردى، سىن-قاتەرلەر مەن مۇمكىندىكتەردى تالقىلايدى.
سونداي-اق، كورمە بارىسىندا «حالىق تاڭداۋى» اتتى تاۋەلسىز، ءدام تاتۋ بايقاۋى، قازاقستاندىق جەتەكشى وندىرۋشىلەردىڭ ايەلدەر مەن ەرلەردىڭ كيىمدەرىنىڭ توپتاماسىن كورسەتۋ، كاسىپكەرلەردىڭ شەبەرلىك سىنىبى، كورمەگە قاتىسۋشىلار ۇسىناتىن كۇنسايىنعى ۇتىس ويىنى مەن كونسەرتتىك باعدارلاما ۇيىمداستىرىلادى.
ايتا كەتسەك، كورمەدە كاسىپكەرلەردى قولداۋداعى مەملەكەتتىك ساياساتتى تابىستى ىسكە اسىرۋدىڭ از عانا بولىگى كورسەتىلەدى. تەك 2024 جىلى عانا «دامۋ» قورى ارقىلى مەملەكەتتىڭ قولداۋىمەن 1،7 ترلن تەڭگە نەسيەمەن 29،5 مىڭ جوبا قامتىلعان ەكەن. ول ءۇشىن 590 ملرد تەڭگە ءبولىندى. ناتيجەسىندە 25،4 ترلن تەڭگەگە ءونىم شىعارىلىپ، 1،7 ترلن تەڭگە سالىق تولەنگەن. 9،7 مىڭ جۇمىس ورنى قۇرىلعان. بارلىعى «دامۋ» قورىنىڭ قۇرالدارى ارقىلى مەملەكەتتىڭ قولداۋىنا 225،3 مىڭ ادام يە بولدى. بەرىلگەن نەسيەنىڭ جالپى سوماسى 14،1 ترلن تەڭگەلىك جوبالار. وسىنىڭ ارقاسىندا 220 مىڭنان استام جاڭا جۇمىس ورنى قۇرىلىپ، 1،2 ملن-نان استام جۇمىس ورنى ساقتالدى. شامامەن 130 ترلن تەڭگەگە ءونىم شىعارىلىپ، 9،0 ترلن تەڭگە سالىق ءتۇستى.
«Ulttyq ónim» وتكىزۋ وتاندىق تاۋارلار مەن قىزمەتتەردى تانىمال ەتۋگە جانە ىلگەرىلەتۋگە ىقپال ەتەتىن جاقسى داستۇرگە اينالىپ وتىر. جىل سايىن كورمەگە قىزىعۋشىلىق ارتۋدا. 2022 جىلى كەلۋشىلەر سانى 20 مىڭنان اسسا، 2023 جىلى 22 مىڭ. ساتۋ كولەمى دە ارتىپ، 2022 جىلى 70 ملن تەڭگەدەن 2023 جىلى 74،1 ملن تەڭگەگە جەتتى.
كورمەگە كىرۋ تەگىن. تەك سول كورمەدە نەمەسە «Ulttyq ónim» سايتىندا الدىن الا ونلاين-فورماتتا تىركەلۋ قاجەت. تىركەلۋ ءۇشىن سىلتەمە
ەلوردا تۇرعىندارى مەن قوناقتارىن «Ulttyq ónim» كورمەسىنە قاتىسىپ، وتاندىق وندىرۋشىلەردى قولداۋعا شاقىرامىز!
ورنى: EXPO حالىقارالىق كورمە ورتالىعى (ماڭگىلىك ەل داڭعىلى، 53/1)
سالتاناتتى اشىلۋى: 16 مامىر، ساعات 09:00-دە.
كورمەنىڭ جۇمىس ۋاقىتى: 2025 جىلعى 16-18 مامىر، ساعات 08:00-18:00.