كەشە استاناعا رەسەي پرەمەر-مينيسترى كەلدى.
بۇگىن استانادا تمد-عا قاتىسۋشى مەملەكەتتەردىڭ ۇكىمەت باسشىلارى كەڭەسىنىڭ كەزەكتى وتىرىسى وتەدى، دەپ حابارلايدى Almaty-akshamy.kz
ق ر ۇكىمەتىنىڭ Telegram-كانالىندا حابارلانعانداي، وتىرىسقا قاتىساتىندار: قازاقستان پرەمەر-مينيسترى ءاليحان سمايىلوۆ، ءازىربايجان ۇكىمەتىنىڭ باسشىسى الي اسادوۆ، بەلارۋس پرەمەر-مينيسترى رومان گولوۆچەنكو، تاجىكستان ۇكىمەتى باسشىسى كوحير راسۋلزودا، وزبەكستان پرەمەر-مينيسترى ابدۋللا اريپوۆ، رەسەي ۇكىمەتىنىڭ ءتوراعاسى ميحايل ميشۋستين، قىرعىزستان مينيسترلەر كابينەتىنىڭ ءتوراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ، ارمەنيا پرەمەر-مينيسترىنىڭ ورىنباسارى مگەر گريگوريان جانە تۇرىكمەنستان مينيسترلەر كابينەتى باسشىسىنىڭ ورىنباسارى حودجامىرات گەلديمىرادوۆ.
27 قازاندا استاناعا رەسەي پرەمەر-مينيسترى ميحايل ميشۋستين كەلدى. ونى ق ر پرەمەر-مينيسترى ءاليحان سمايىلوۆ پەن رەسەي فەدەراسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى الەكسەي بوروداۆكين قارسى الدى.