قۇلاعان كران قولدانىلماي، قاڭتارىلىپ تۇرعان
ەلوردادا قاتتى جەل سالدارىنان مۇنارا كرانى قۇلادى، دەپ حابارلايدى Almaty-akshamy.kz سايتى ق ر توتەنشە جاعدايلار مينيسترلىگى ونەركاسىپ قاۋىپسىزدىگى كوميتەتىنىڭ باسپا ءسوز قىزمەتىنە سىلتەمە جاساپ.
"بۇگىن سىعاناق جانە تۇران كوشەلەرىنىڭ قيىلىسىندا مۇنارا كرانى قۇلادى. الدىن الا مالىمەت بويىنشا كران قاتتى جەلدەن قۇلاپ كەتكەن. ءقازىر توتەنشە جاعدايدىڭ ءمان-جايى انىقتالىپ جاتىر. وقيعا ورنىنا ق ر تجم ونەركاسىپ قاۋىپسىزدىگى كوميتەتىنىڭ نۇر-سۇلتان قالاسى بويىنشا دەپارتامەنتىنىڭ قىزمەتكەرلەرى شىقتى"، - دەلىنگەن كوميتەت تاراتقان حابارلامادا.
اتالعان ۆەدومستۆونىڭ اقپاراتىنا ساي زارداپ شەككەندەر جوق. ءمالىم بولعانداي، قۇلاعان كران قولدانىلماي، قاڭتارىلىپ تۇرعان.