استانادا جەتى جاسار شوبەرەسىنە جىنىستىق زورلىق جاساعان 82 جاستاعى ەر ادامعا قاتىستى سوت ۇكىمى شىقتى، دەپ حابارلايدى اqshamnews.kz ءتىلشىسى.
اقپاراتتى نەمولچيKZ قورىنىڭ جەتەكشىسى دينا سمايىلوۆا Facebook پاراقشاسىندا جاريالاعان. ونىڭ جازۋىنشا، قايعىلى وقيعا بالانىڭ تۋعان كۇنىن اتاپ ءوتۋ كەزىندە، تۋىستارى جينالعان ۇيدە بولعان. قارت ادامدى قىلمىس ۇستىندە وتباسى مۇشەلەرى ۇستاپ قالعان.
ءىستىڭ ءمان-جايى كۋاگەرلەردىڭ كورسەتۋلەرى مەن سوت-مەديسينالىق ساراپتامالاردىڭ قورىتىندىلارىمەن راستالعان. سوت ەر ادامدى ق ر قىلمىستىق كودەكسىنىڭ 121-بابىنىڭ 4-بولىگى («سەكسۋالدىق سيپاتتاعى زورلىق-زومبىلىق ارەكەتتەرى») بويىنشا كىنالى دەپ تانىپ، 20 جىلعا باس بوستاندىعىنان ايىرۋ جازاسىن تاعايىندادى.
دينا سمايىلوۆانىڭ ايتۋىنشا، جابىرلەنۋشى قىزدىڭ اناسى قورعا 2025 جىلدىڭ 5 ساۋىرىنەن 6 ساۋىرىنە قاراعان ءتۇنى، بالانى ساراپتاماعا اپارعاننان كەيىن بىردەن حابارلاسقان.
قۇقىق قورعاۋشى ايىپتالۋشىنىڭ قىلمىسىن جاقسى تۇسىنگەنىن، ۇستالعان ساتتە قاشىپ كەتىپ، ءبىر تاۋلىك بويى ءىزىن جاسىرۋعا تىرىسقانىن اتاپ ءوتتى. سونىمەن قاتار، وتباسىندا كۇدىكتىنىڭ جاسىنىڭ ۇلكەندىگىن العا تارتىپ، ءىستى سوتقا جەتكىزبەۋدى ۇسىنعاندار دا بولعان.