14 قاڭتاردا اتىراۋ اۋەجايىندا FlyArystan اۋە كومپانياسىنا تيەسىلى ۇشاق قونعاننان كەيىن ۇشۋ-قونۋ جولاعىنان شىعىپ كەتكەن. ۇشاق بورتىندا جولاۋشىلار بولعان، دەپ حابارلايدى اqshamnews.kz ءتىلشىسى.
الماتى – اتىراۋ باعىتىنداعى FS7202 رەيسىن ورىنداعان اۋە كەمەسى ءساتتى قونعان. الايدا ۇشۋ-قونۋ جولاعىن بوساتىپ، تۇراققا قاراي بەت العان ساتتە ۇشاق تومەن جىلدامدىقپەن ءجۇرۋ جولىنان شىعىپ كەتكەن.
اۋە كومپانياسىنىڭ مالىمەتىنشە، بورتتا 166 جولاۋشى بولعان. ولاردىڭ بارلىعى ءقاۋىپسىز تۇردە ۇشاقتان تۇسىرىلگەن. جولاۋشىلار مەن ەكيپاج مۇشەلەرى اراسىندا زارداپ شەككەندەر جوق.
FlyArystan وكىلدەرى وقيعاعا بايلانىستى اۋەجاي قىزمەتتەرىمەن جانە اۆياسيالىق بيلىك وكىلدەرىمەن بىرلەسىپ، جاعدايدى بەلگىلەنگەن تارتىپكە ساي تەرگەپ-تەكسەرۋ جۇمىستارى جۇرگىزىلىپ جاتقانىن مالىمدەدى.